இன்று
எல்லாம்தான் இருக்கிறது
அடுத்த மாதம் நான்
அமெரிக்கா போக
வேலையும் விசாவும் தயார்
ஆம்
இருந்தது இல்லாமல்
போனதைத் தவிர
மற்ற எல்லாம்தான்
இருக்கிறது
மனிதர்களைத்
தனிமைப் படுத்தும்
விஞ்ஞான வளர்ச்சி
இரத்த பந்தங்களை
ஊருக்கு ஒன்றாய்த்
தூக்கி எறிந்து விளையாடும்
வேலை வாய்ப்பு
வெறுமையை
நிரந்தரப் படுத்தும்
இயந்திரங்கள்
அம்மா
அடுத்த முத்தமுடன்
உன் முந்தானையில்
என் கண்துடைக்க
நீ எப்போது வருவாய்
அடுத்தவாரமே
உன் மடிதேடி வருவேன் நான்
எனக்குக் கணினி வேண்டாம்
உன் மடிதான் வேண்டும்
அமெரிக்கா வேண்டாம்
அப்பாதான் வேண்டும்
நீயே ஒத்துக்கொள்ளாத
இந்த உண்மையை
நான்
எங்கே போய்ச் சொல்ல
*
‘அன்புடன் இதயம்’ மின்னூலிலிருந்து
To buy this EBook, Please click here
“
இன்னும் ஆழமாய் எழுதலாம்…