இராசிபலன்கள் (13-10-2014 முதல் 19-10-2014 வரை)

மேஷம் :-

மேஷராசி அன்பர்களே, இந்த வாரம் உங்களுக்கு புதன் நன்மை தரும் கிரகமாகும். கண்களில் கவனமுடன் இருக்கவும். பொருளாதாரத்தில் இருந்து வந்த நெருக்கடிகள் மாறி ஓரளவு முன்னேற்றம் காணப்படும். தேவையற்ற மனசஞ்சலம் தவிர்த்தல் நல்லதாகும். வீடு மற்றும் வாகனங்களைப் பழுது பார்ப்பதற்காகப் புதிய கடன்களை வாங்க முயற்சிப்பீர்கள். உத்தியோகத்தில் வெகு காலமாக எதிர்பார்த்து இருந்த பதவி உயர்வுகள் மற்றும் சம்பள உயர்வுகள் கிடைக்கக் கூடிய காலமாகும். எழுத்துத் துறை, அச்சுத் தொழில்கள், புத்தகம், நோட்டு வியாபாரிகள் வக்கீல்கள், எழுத்தாளர்கள், கவிஞர்கள், பாடலாசிரியர்கள், இசையமைப்பாளர்கள், தபால் தந்தித் துறையைச் சார்ந்தவர்கள், ஸ்டேசனரி சம்பந்தமான பொருட்களின் வியாபாரிகள், நாடகக் கலைஞர்கள் ஆகியோர் நல்ல பலன் அடைவீர்கள். உத்தியோகத் துறையினர்கள் மேலதிகாரிகளிடம் மிகுந்த கவனமுடன் பணி ஆற்றுதல் நல்லது. புதிய ஆடைகள் மற்றும் ஆபரணங்கள் வாங்குவதன் மூலம் பொருட்செலவுகள் உண்டாகலாம். உடல்நிலையில் சுரம் மற்றும் உஷ்ண சம்பந்தமாகிய பிணிகள் வந்து போகலாம். தீர்த்த யாத்திரைகள் செல்வதற்கான ஏற்பாடுகளைச் செய்வீர்கள்.

இராசியான எண் :- 5
இராசியான நிறம் :- பச்சை
இராசியான திசை :- வடக்கு
பரிகாரம் :- புதன் கிழமையில் மஹாவிஷ்ணு வழிபாடு செய்து வரவும்.

ரிஷபம் :-

ரிஷபராசி அன்பர்களே, இந்த வாரம் உங்களுக்கு செவ்வாய் நன்மை தரும் கிரகமாகும். உத்தியோகத்தில் பதவி உயர்வுடன் கூடிய இட மாற்றம் ஏற்படலாம். நெருப்பு, மின்சாரம், இராணுவத்துறை சார்ந்தவர்கள், அக்கினி சம்பந்தமான தொழிற்செய்வோர், ஹோட்டல் தொழிற்செய்வோர், மின்சாரப் பொருட்களின் விற்பனையாளர்கள் மற்றும் காவல்துறையில் பணி ஆற்றுவோர், பங்கு வர்த்தகம் போன்ற தொழிற்செய்வோர் ஆகியோர் நற்பலன் அடைவார்கள். யாத்திரையின்போது புதிய பெரிய மனிதர்களின் தொடர்புகள் ஏற்பட்டு அவர்களால் எதிர்பாராத சில நன்மைகளை அடைவீர்கள். கணவன் மனைவி உறவுகள் சுமாராகக் காணப்படும். வீடுகளைத் திருத்திக் கட்டவதற்கான முயற்சிகளில் ஈடுபடுவீர்கள். உடம்பில் வாயு வாதம் போன்ற தொல்லைகள் வந்து நீங்கும். புதிய வீடு வாகனங்கள் வாங்குவதற்காக வங்கிகள் மூலம் எதிர்பார்த்து இருந்த கடன் தொகைகள் கிடைக்கும். பயணங்களின்போது வாகனங்களில் எச்சரிக்கையுடன் சென்று வருதல் உகந்ததாகும். குலதெய்வ ஆலய வழிபாடு செய்து வர எண்ணுவீர்கள். காணாமற்போன பொருட்கள் காவல்துறையினரால் திரும்பக் கிடைக்க வாய்ப்பு உள்ளது.

இராசியான எண் :- 9
இராசியான நிறம் :- சிவப்பு
இராசியான திசை :- தெற்கு
பரிகாரம் :- செவ்வாய் கிழமையில் முருகன் ஆலய வழிபாடு செய்து வரவும்.

மிதுனம் :-

மிதுனராசி அன்பர்களே, இந்த வாரம் உங்களுக்கு வியாழன் நன்மை தரும் கிரகமாகும். பூ உடம்பில் எலும்பு மற்றும் நரம்பு சம்பந்தமாகிய பிணிகள் வந்து போகும். கணவன் மனைவி உறவுகள் சுமாராகக் காணப்படும். வேற்று மதத்தவரால் எதிர்பாராத ஆதாயங்கள் அடைவீர்கள். குடும்பத்தில் காரணமற்ற மனக் குழப்பங்களும் மற்றும் கடன் தொல்லைகளும் ஏற்படலாம். பழம் பூஜை சம்பந்தமான பொருட்களின் வியாபாரிகள், அறநிலையத் துறையைச் சார்ந்தவர்கள், ஆதரவற்றோர் ஆசிரமங்களை நடத்துவோர்கள், இனிப்புத் தின்பண்ட வியாபாரிகள், நறுமணப் பொருள்கள் மற்றும் கம்ப்யூட்டர் துறை சார்ந்தவர்கள் ஆகியோர் நற்பலன் அடைவார்கள். வங்கிகள் மூலம் எதிர்பார்த்து இருந்த கடன் தொகைகள் கிடைக்கும். குலதெய்வ ஆலய வழிபாடு செய்து வர வாய்ப்பு உள்ள காலமாகும். குடும்பத்தில் தடைபட்டு இருந்த சுபகாரிய நிகழ்ச்சிகள் நடைபெறக் கூடிய காலமாகும். உற்றார் உறவினர்களின் வரவுகளால் மன மகிழ்ச்சியும் பொருள் வரவும் உண்டாகும். தீர்த்த யாத்திரைகள் சென்று வர முயற்சிப்பீர்கள். பழைய கடன்கள் அடைத்துப் புதிய கடன் வாங்குவீர்கள்.

இராசியான எண் :- 3
இராசியான நிறம் :- மஞ்சள்
இராசியான திசை :- வடகிழக்கு
பரிகாரம் :- வியாழக் கிழமையில் சிவ ஆலய வழிபாடு செய்து வரவும்.

கடகம் :-

கடகராசி அன்பர்களே, இந்த வாரம் உங்களுக்கு சனி நன்மை தரும் கிரகமாகும். இரும்பு, இயந்திரம், இரசாயன சம்பந்தமான பொருட்களின் வியாபாரிகள், பழைய
இரும்பு பொருள் வியாபாரிகள், எண்ணை, பல சரக்கு போன்ற வியாபாரிகள், அடிமைத் தொழிற்செய்வோர், கழிவுப் பொருட்களை வாங்குவோர்கள், உர வியாபாரிகள் ஆகியோர் நல்ல பலனை அடைவார்கள். உற்றார் உறவினர்களின் வரவால் மன மகிழ்ச்சியும் பொருள் வரவும் உண்டாகும். சுபகாரிய சம்பந்தமான முயற்சிகளில் ஈடுபட வாய்ப்பு உள்ளது. காதல் விஷயங்களில் எதிர்பார்த்து இருந்த நல்ல செய்திகள் வந்து சேரும். பூர்வீகச் சொத்து விஷயமான பிரச்சினைகள் தீர இன்னும் சற்று கால தாமதம் ஆகலாம். நாட்பட்ட தீராத வியாதிகள் தீர வேண்டி புதிய மருத்துவர்களின் உதவிகளை நாடுவதன் மூலம் பொருட்செலவுகள் உண்டாகலாம். ஆதரவற்ற சிறுவர்கள் மற்றும் சமுதாய முன்னேற்றத்திற்கான பணிகளில் ஈடுபட்டு நற்பெயர் எடுப்பீர்கள். பொதுநலத் தொண்டுகளில் ஈடுபட்டு நற்பெயரும், மன நிம்மதியும் அடைவீர்கள்.

இராசியான எண் :- 8
இராசியான நிறம் :- நீலம்
இராசியான திசை :- தென்மேற்கு
பரிகாரம் :- சனிக் கிழமையில் ஐயப்பன் வழிபாடு செய்து அன்னதானம் செய்து வரவும்.

சிம்மம் :-

சிம்மராசி அன்பர்களே, இந்த வாரம் உங்களுக்கு சூரியன் நன்மை தரும் கிரகமாகும். வெகு நாட்களாகத் தடைபட்டு வந்த திருமண காரியங்கள் நிறைவேற வாய்ப்பு உள்ள காலமாகும். நாட்பட்ட வராத கடன் கொடுத்து இருந்த பணம் திரும்ப கைக்கு வந்து சேரும். அரசியல்வாதிகளுக்கு எதிர்பாராத ஆதாயங்கள் உண்டாகும். புதிய நண்பர்களின் சேர்க்கையால் ஆதாயம் உண்டு. குலதெய்வ வழிபாடு செய்து வருவீர்கள். கணவன் மனைவி உறவுகளில் முன் கோபத்தை தவிர்த்து இருப்பது நல்லதாகும். ஹோட்டல் தொழிற்செய்வோர், சிற்றுண்டி உணவு விடுதிகளை நடத்துவோர்கள், அரசியல்வாதிகள், மருந்து உற்பத்தி மற்றும் விற்பனைகளைச் செய்வோர், வெளிநாட்டுத் தூதுவர்கள் ஆகியோர் நற்பலன் அடைவார்கள். நாட்பட்ட தீராத நோய்க்குப் புதிய மருத்துவர்களின் உதவிகளை நாடிச் செல்லுவீர்கள். சூதாட்டங்களை நம்பிப் பணம் மற்றும் பொருட்கள் ஏமாற்றம் அடையாமல் இருக்கவும். நண்பர்களின் சுபகாரிய விஷயங்களுக்காக நீண்ட தூரப் பயணங்களை மேற்கொள்வீர்கள். கணவன் மனைவி உறவுகளில் இருந்து வந்த பிரச்சினைகள் தீர்ந்து ஒற்றுமையுடன் இருப்பார்கள். காதல் விஷயங்களில் எதிர்பார்த்து இருந்த நல்ல தகவல்கள் வந்து சேரும்.

இராசியான எண் :- 1
இராசியான நிறம் :- வெள்ளை
இராசியான திசை :- கிழக்கு
பரிகாரம் :- ஞாயிற்றுக் கிழமையில் சிவ ஆலய வழிபாடு செய்து வரவும்.

கன்னி :-

கன்னிராசி அன்பர்களே, இந்த வாரம் உங்களுக்கு சுக்கிரன் நன்மை தரும் கிரகமாகும். நண்பர்களின் வீட்டுச் சுபகாரிய நிகழச்சிகளில் கலந்து கொள்வதற்காக நீண்ட தூரப் பயணங்களை மேற்கொள்வீர்கள். புதிய ஆடை அணிகலன்களை வாங்குவதற்காகப் புதிய கடன்களை வாங்க முயற்சிப்பீர்கள். ஆதரவற்ற ஏழைகளுக்கு உதவுவதின் மூலம் மன நிம்மதியும் பொது மக்களின் பாராட்டுக்களையும் பெறுவீர்கள். ஆடம்பர அலங்காரப் பொருள் வியாபாரிகள், சினிமா மற்றும் நாடகத் துறை சார்ந்தவர்கள், அரசியல்வாதிகள், கார் லாரி போன்ற வாகன சம்பந்தமான தொழிற்செய்வோர், வாகன ஓட்டுனர்கள், அழகுக்கலைக் கூடங்களை நடத்துபவர்கள், நவரத்தின வியாபாரிகள், திருமணத் தகவல் மையங்கள் மற்றும் திருமணக் கூடங்களை நடத்துபவர்கள் ஆகியோர் நல்ல லாபம் அடைவார்கள். கணவன் மனைவி உறவுகளில் சிற்சில கருத்து வேறுபாடுகள் வந்த விலகும். குடும்பத்தில் தடைபட்டு வந்த சகோதர சகோதரிகளின் திருமண காரியங்கள் நிறைவேறும். ரேஸ், லாட்டரி போன்ற விஷயங்களின் மூலமாகத் திடீர் தன வரவு உண்டாகலாம். தீர்த்த யாத்திரை மற்றும் குலதெய்வ வழிபாடு செய்து வர முயற்சிப்பீர்கள்.

இராசியான எண் :- 6
இராசியான நிறம் :- வெள்ளை
இராசியதன திசை :- தென்கிழக்கு
பரிகாரம் :- வெள்ளிக் கிழமையில் மஹாலட்சுமி வழிபாடு செய்து வரவும்.

துலாம் :-

துலாம் ராசி அன்பர்களே, இந்த வாரம் உங்களுக்கு கேது நன்மை தரும் கிரகமாகும். அரசு வழக்கு சம்பந்தமான விஷயங்களில் சாதகமான தீர்ப்புகள் கிடைப்பதற்கு இன்னும் சற்று கால தாமதங்கள் ஏற்படலாம். வெளிநாட்டில் வசிப்பவர்கள் வெகு காலமாக விட்டுப்போன குலதெய்வ வழிபாடு செய்வதற்கும் வாய்ப்பு உள்ளது. கணவன் மனைவியின் உறவுகள் சமாராகக் காணப்படும். பொதுப்பணித்துறை சார்ந்தவர்கள், ஆதரவற்றோர் ஆசிரமங்களை நடத்துவோர்கள், ஆலயப் பணிபுரிபவர்கள், விஞ்ஞானத் துறை சார்ந்தவர்கள், கழிவுப் பொருட்களின் வியாபாரிகள், மீன் முட்டை மாமிசம் போன்ற பொருட்களை ஏற்றுமதி இறக்குமதி செய்வோர், ஏஜென்சி போன்ற நிறுவனங்களை நடத்துபவர்கள், அணு ஆராய்ச்சி நிலையப் பணியாளர்கள், விமானப் பணியாளர்கள் ஆகியோர் நற்பலன்களை அடைவார்கள். வர வேண்டிய கடன் கொடுத்து இருந்த பணம் மற்றும் பொருட்கள் நண்பர்களின் உதவியால் திரும்பக் கிடைக்கும். செய்யாத குற்றங்களுக்காகப் பழிச் சொல் ஏற்பட வாய்ப்பிருப்பதால் மிகுந்த எச்சரிக்கையுடன் செயல்படுவது நல்லது. குடும்பத்தில் மருத்துவச் செலவுகள் சற்று குறையும். தாய்நாடு சென்று திரும்புவதற்கும் வாய்ப்பு உள்ளது.

இராசியான எண் :- 7
இராசியான நிறம் :- கருஞ்சிவப்பு
இராசியான திசை :- வடமேற்கு
பரிகாரம் :- திங்கள் கிழமையில் கணபதி ஆலய வழிபாடு செய்து வரவும்.

விருச்சிகம் :-

விருச்சிகராசி அன்பர்களே, இந்த வாரம் உங்களுக்கு ராகு நன்மை தரும் கிரகமாகும். தோல் சம்பந்தமான பொருட்களை ஏற்றுமதி இறக்குமதி செய்வோர், கழிவுப் பொருட்களை வாங்குவோர் விற்போர்கள், அணு ஆராய்ச்சித் துறை சார்ந்தவர்கள், மீன் முட்டை மாமிசம் போன்ற உணவுப் பொருட்களின் வியாபாரிகள், வட்டித் தொழில், தரகு ஏஜன்சி கமிசன் போன்ற தொழிற்செய்வோர், பழைய இரும்பு, பழைய பேப்பர், பிளாஸ்டிக் போன்ற பொருட்களின் வியாபாரிகள் ஆகியோர் நல்ல லாபம் அடைவார்கள். தாயின் உடல்நிலையில் இருந்து வந்த தொல்லைகள் குறைந்து காணப்படும். பழுதுபட்ட வீடு மற்றும் வாகனங்களை புதுப்பிப்பதன் மூலம் பொருட்செலவுகள் வந்து சேரும். உடம்பில் நரம்பு மற்றும் எலும்புகள் போன்ற உபாதைகள் வந்து போகும். மற்றவர்களை நம்பிப் பணம் மற்றும் பொருட்களை கடன் கொடுத்து ஏமாற்றம் அடைய வேண்டாம். குடும்பத்தில் சுபகாரிய நிகழ்ச்சிகள் நடைபெற வாய்ப்பு உள்ளது. மாணவர்கள் கல்வியில் பரிசு மற்றம் பாராட்டுக்களை பெறுவார்கள் மற்றவர்களை நம்பிப் பணம், பொருட்கள் கடன் கொடுத்து ஏமாற்றம் அடைய வேண்டாம்.

இராசியான எண் :- 4
இராசியான நிறம் :- கருப்பு
இராசியான திசை :- வடமேற்கு
பிகாரம் :- ஞாயிற்றுக் கிழமையில் பிதுர் வழிபாடு செய்து வரவும்.

தனுசு :-

தனுசுராசி அன்பர்களே, இந்த வாரம் உங்களுக்கு சந்திரன் நன்மை தரும் கிரகமாகும். மஹான்களின் எதிர்பாராத தரிசனங்களால் மன மகிழ்ச்சியை அடைவீர்கள்.
தேவையற்ற புதிய நண்பர்களின் சேர்க்கையால் மனநிம்மதி குறையலாம். பொதுநலத் தொண்டுகளில் ஈடுபட்டு மன மகிழ்ச்சி அடைவீர்கள். குழந்தைகளுக்காகத் திடீர் மருத்துவச் செலவுகள் ஏற்பட வாய்ப்பு உள்ளது. பூஜைப் பொருள் வியாபாரிகள், மனநலக் காப்பகங்களை நடத்துவோர்கள், தாய் சேய் நல விடுதிகளைச் சார்ந்தவர்கள், உப்பு உர வியாபாரிகள், மருந்து சம்பந்தமான பொருட்களை ஏற்றுமதி இறக்குமதி செய்வோர், நீர் வளத்துறை சார்ந்தவர்கள் தண்ணீர், கூல்டிரிங்ஸ் மற்றும் திரவ சம்பந்தமான பொருட்களின் வியாபாரிகள் ஆகியோர் நற்பலன்களை அடைவார்கள். பணப் புழக்கம் சுமாராகக் காணப்படும். கல்வித் துறை ஆசிரியர்கள் இவற்றில் பணிபுரிவோர், மாணவர்கள் கல்வியில் சில தடைகள் வந்து விலகும். ஒரு சிலருக்குப் புதிய வீடு மாற்றம் ஏற்படலாம். வெளிநாடு சென்று வருதல் போன்ற முயற்சிகளில் நல்ல தகவல்களை எதிர்பார்க்கலாம். தொலைதூரப் பயணங்கள் மூலம் எதிர்பார்த்து இருந்தவர்களை சந்தித்து அவர்களால் ஆதாயம் அடைவீர்கள். அரசியல்வாதிகளால் ஆதாயம் இல்லை.

இராசியான எண் :- 2
இராசியான நிறம் :- வெள்ளை
இராசியான திசை :- மேற்கு
பரிகாரம் :- திங்கள் கிழமையில் அம்மன் ஆலய வழிபாடு செய்து வரவும்.

மகரம் :-

மகரராசி அன்பர்களே, இந்த வாரம் உங்களுக்கு சனி நன்மை தரும் கிரகமாகும். இரும்பு, இயந்திரம், இரசாயன சம்பந்தமான பொருட்களின் வியாபாரிகள், பழைய இரும்புப் பொருள் வியாபாரிகள், எண்ணை, பலசரக்கு போன்ற வியாபாரிகள், அடிமைத் தொழிற்செய்வோர், கழிவுப் பொருட்களை வாங்குவோர்கள், உர வியாபாரிகள் நற்பலன்களை அடைவார்கள். கணவன் மனைவி உறவுகளில் இருந்து வந்த மனக் கசப்புகள் தீர்ந்து ஒற்றுமை உண்டாகும். வங்கிகளில் இருந்து நீண்ட காலமாக எதிர்பார்த்து இருந்த பணம் மற்றும் பொருட்கள் கை வந்து சேரும். மற்றவர்களின் காரியங்களில் அநாவசியமாகத் தலையிட்டு மன நிம்மதியை இழக்காதீர்கள். விட்டுப்போன பழைய உறவுகள் மீண்டும் ஒன்று சேர வாய்ப்பு உள்ள காலமாகும். யாத்திரைகளில் வண்டி வாகனங்களில் தேவை இல்லாத வீண் பிரச்சினைகள் உருவாக வாய்ப்பிருப்பதால் கவனமுடன் சென்று வரவும். அண்டை அயலார்களிடம் கவனமாகப் பேசிப் பழகுதல் நல்லது. குலதெய்வ ஆலய வழிபாடு செய்து வரப் போட்ட எண்ணங்கள் நிறைவேறும் காலமாகும். புதிய கடன் வாங்கிப் பழைய கடன்களை அடைப்பீர்கள்.

இராசியான எண் :- 8
இராசியான நிறம் :- நீலம்
இராசியான திசை :- தென்மேற்கு
பரிகாரம் :- சனிக்கிழமையில் சனீஸ்வர வழிபாடு செய்து வரவும்.

கும்பம் :-

கும்பராசி அன்பர்களே, இந்த வாரம் உங்களுக்கு செவ்வாய் நன்மை தரும் கிரகமாகும். குடும்பத்தில் தடைபட்ட திருமண காரியங்கள் நண்பர்களின் உதவியால் நடைபெறலாம். தேவையற்ற மன சஞ்சலம் தவிர்த்து ஆலயங்களுக்குச் சென்று வருவது நல்லது. பிள்ளைகளால் பொருட்செலவுகளும் மன நிம்மதியும் குறைய இருப்பதால் மிகுந்த எச்சரிக்கையுடன் இருத்தல் நல்லது. தந்தைக்கு ஏற்பட்டு வந்த மருத்துவச் செலவுகள் சற்றுக் குறைவதற்கு வாய்ப்பு உள்ளது. நாட்பட்ட வர வேண்டிய பணம் கைக்கு வந்து சேரும். அரசியல்வாதிகளால் ஆதாயம் இல்லை. நெருப்பு, மின்சாரம், இராணுவத்துறை சார்ந்தவர்கள், அக்கினி சம்பந்தமான தொழிற்செய்வோர், ஹோட்டல் தொழிற்செய்வோர், மின்சாரப் பொருட்களின் விற்பனையாளர்கள் மற்றும் காவல்துறை பணி ஆற்றுவோர்கள், பங்கு வர்த்தகம் போன்ற தொழிற்செய்வோர் ஆகியோர் நல்ல பலன்கள் அடைவார்கள். புதிய நண்பர்களின் வீண் பிரச்சினைகள் ஏற்படலாம். சூதாட்டம் போன்ற விஷயங்களில் பணம் பொருள் கிடைக்கும் என்று எண்ணி ஏமாற்றம் அடைய வேண்டாம். வீட்டில் கவனமுடன் இருந்தால் திருடு போவதைத் தவிர்க்கலாம். உற்றார் உறவினர்களால் ஆதாயம் இல்லை. காதல் விஷயங்களில் மிகுந்த கவனமுடன் இருத்தல் நல்லது.

இராசியான எண் :- 9
இராசியான நிறம் :- சிவப்பு
இராசியான திசை :- தெற்கு
பரிகாரம் :- செவ்வாய் கிழமையில் துர்க்கை வழிபாடு செய்து வரவும்.

மீனம் :-

மீனராசி அன்பர்களே, இந்த வாரம் உங்களுக்கு புதன் நன்மை தரும் கிரகமாகும். உடம்பில் வாயு மற்றும் வாத சம்பந்தமான பிணிகள் வந்து போகலாம். பெண்களால் தென் கிழக்குத் திசையில் இருந்து எதிர்பாராத தனவரத்து உண்டாகும். நண்பர்களால் எதிர்பாராத பொருட்செலவுகளும் மன நிம்மதிக் குறைவும் ஏற்படலாம். தாயின் உடல்நிலை பாதிப்புகளால் ஏற்பட்டு வந்த மருத்துவச் செலவுகள் சற்று குறைய வாய்ப்பு உள்ளது. எழுத்துத் துறை, அச்சுத் தொழில்கள், புத்தகம், நோட்டு வியாபாரிகள் வக்கீல்கள், எழுத்தாளர்கள், கவிஞர்கள், பாடலாசிரியர்கள், இசையமைப்பாளர்கள், தபால் தந்தித் துறையைச் சார்ந்தவர்கள், ஸ்டேசனரி சம்பந்தமான பொருட்களின் வியாபாரிகள், நாடகக் கலைஞர்கள் ஆகியோர் நற்பலன் அடைவார்கள். நீண்ட காலமாக வர வேண்டிய பணம் கை வந்து சேரும் காலமாகும். வெகு காலமாகக் காணாமற்போன பொருட்கள் மற்றவர்களின் உதவியால் திரும்ப கிடைக்கும. தந்தை மகன் உறவில் சுமூகமான சூழல் உருவாகும். உற்றார் உறவினர்களால் ஆதாயம் இல்லை. யாத்திரையின்போது மிகுந்த கவனமுடன் பயணம் செய்வது நல்லதாகும்.

இராசியான எண் :- 5
இராசியான நிறம் :- பச்சை
இராசியான திசை :- வடக்கு
பரிகாரம் :- புதன் கிழமையில் மஹாவிஷ்ணு வழிபாடு வெய்து வரவும்.

*****************
Gnanayohi Dr. P.Esakki, I.B.A.M., R.M.P., D.I.S.M
18(25B/1), Pulavar Street
Krishnapuram
Kadayanallur – 627 759
Tirunelveli District, Tamil Nadu, India
Phone : 04633-243029
Mobile : 98425-10578, 98425-29691
Fax : 04633-240390
Website : www.gnanayohi.com

About The Author