இராசிபலன்கள் (23-02-2009 முதல் 1-3-2009 வரை)

மேஷம்:-

மேஷ ராசி அன்பர்களே, இந்த வாரம் உங்களுக்கு வியாழன் நன்மை தரும் கிரகமாகும். உற்றார் உறவினர்களின் திடீர் வரவுகளால் மன நிம்மதியுடன் கூடிய பொருட் செலவுகள் உண்டாகும். வெளிநாட்டில் இருப்பவர்கள் நீண்ட கால நினைவுகளாக இருந்த தாய் நாட்டிற்கு சென்று வர வாய்ப்பு உள்ளது. கணவன் மனைவி உறவுகள் நன்றாக இருக்கும். பெண்களால் எதிர்பாராத ஆதாயங்களைத் தென் திசையில் இருந்து அடைவீர்கள். குடும்பத்தில் இருந்து வந்துள்ள மருத்துவச் செலவுகள் சற்று குறைந்து காணப்படும். புதிய கடன்களை வாங்கி பழைய கடனை அடைக்க முயற்சி செய்வீர்கள். பூமி, நிலம் சம்பந்தமான பிரச்சனைகளில் நல்ல முடிவுகள் கிடைக்கும். மற்றவர்களை நம்பிப் பணம் மற்றும் பொருட்களை கடன் கொடுத்து ஏமாற்றம் அடையாதீர்கள். பிள்ளைகளால் எதிர்பாராத சில தொல்லைகள் வந்து சேர வாய்ப்பிருப்பதால் மிகுந்த கவனமுடன் பார்த்துக் கொள்ளுதல் நல்லது. கட்டிட சம்பந்தமான ஆடம்பர அலங்காரப் பொருட்கள், பூஜைப் பொருள் வியாபாரிகள், அறநிலையத் துறை சார்ந்தவர்கள், பொதுத் தொண்டு நிறுவனங்கள், கம்ப்யுட்டர் பணி செய்பவர்கள் ஆகியோர் லாபம் அடைவார்கள்.

இராசியான எண்:-3
இராசியான நிறம்:-மஞ்சள்
இராசியான திசை:-வடகிழக்கு
பரிகாரம்:-வியாழக் கிழமையில் சிவ ஆலய வழிபாடு செய்து வரவும்.

ரிஷபம்:-

ரிஷபராசி அன்பர்களே, இந்த வாரம் உங்களுக்கு சனி நன்மை தரும் கிரகமாகும். மன உற்சாகத்துடன் பெரிய மனிதர்களின் சந்திப்பின் மூலம் காரியங்களை சாதித்துக் கொள்வீர்கள். தீராத நோய்கள் தீர வேண்டி, நீண்ட தூரப் பயணங்கள் சென்று வருவீர்கள். சகோதர சகோதரிகளுடன் இருந்து வந்த நாட்பட்ட மனக் கசப்புகள் தீர்ந்து ஒற்றுமை அடைவீர்கள். குல தெய்வ ஆலய வழிபாடுகள் செய்து வருவதற்கான முயற்சிகளில் ஈடுபட்டு மன நிம்மதி அடைவீர்கள். விட்டுப் போன பழைய உறவுகள் மீண்டும் தொடர வாய்ப்பு உள்ள காலமாகும். கருத்து வேறுபாடுகளுடன் இருந்து வந்த கணவன் மனைவி உறவுகளில் உள்ள பிரச்சனைகள் நீங்கி ஒற்றுமையுடன் காணப்படுவீர்கள். இரும்பு, இயந்திரம், கம்ப்யூட்டர் போன்ற பொருட்கள், எண்ணை, பலசரக்கு வியாபாரிகள், காண்டிராக்ட், கமிசன் தொழிற் செய்வோர்கள், இன்சினியரிங் துறை சார்ந்தவர்கள் லாபம் அடைவார்கள். யாத்திரையின் போது புதிய பெரிய மனிதர்கள் மற்றும் அரசியல்வாதிகள் தொடர்புகள் ஏற்பட்டு அவர்களால் சில ஆதாயங்களை அடைவீர்கள். தொழிலாளர்களுடன் முன் கோபத்தை தவிர்த்து எச்சரிக்கையுடன் நடந்து கொள்வது நல்லது. கண் காதுகளில் கவனம் தேவை.

இராசியான எண்:-8
இராசியான நிறம்:-நீலம்
இராசியான திசை:-தென்மேற்கு
பரிகாரம்:-சனிக் கிழமையில் ஐயப்பன் ஆலய வழிபாடு செய்து வரவும்.

மிதுனம்:-

மிதுனராசி அன்பர்களே, இந்த வாரம் உங்களுக்கு கேது நன்மை தரும் கிரகமாகும். மற்றவர்களின் விஷயங்களில் அநாவசியமாகத் தலையிட்டு வீண் பிரச்சனைகளில் மாட்டிக் கொண்டு மன நிம்மதி இழக்காதிருங்கள். வேற்று மதத்தவரால் வெளிநாடு சென்று வருதல் போன்ற புதிய முயற்சிகளில் வெற்றி பெற இன்னும் சற்று கால தாமதம் ஆகலாம். குடும்பத்தில் களவு போன பொருட்கள் உறவினர்கள் மற்றும் நண்பர்களின் உதவியால் திரும்பக் கிடைக்கும்.  மாணவர்கள் கல்வி பயிலும் இடங்களில் வீண் பழிச் சொல்லுக்கு ஆளாக நேரிடும் என்பதால் மிகுந்த கவனமுடன் இருத்தல் நல்லதாகும். இரசாயனம், எண்ணை, பெட்ரோல், டீசல் விற்பனை செய்யும் வியாபாரிகள், மீன், முட்டை, மாமிசம் போன்ற உணவுப் பொருள் வியாபாரிகள், விஞ்ஞானத்துறை சார்ந்தவர்கள், வெளிநாட்டுத் தூதுவர்கள் மற்றும் இவ்விரு அலுவலகங்களில் பணிபுரிவோர்கள் நற்பலன் அடைவார்கள். வேலை இல்லாதவர்களுக்குப் புதிய வேலை வாய்ப்புகள் கிடைக்கக் கூடிய காலமாகும். தாயின் உடல் நிலையில் இருந்து வந்த பாதிப்புகள் சற்று குறைந்து காணப்படும். அரசியல்வாதிகளின் மூலமாக எதிர்பார்த்து இருந்த உதவிகள் கிடைக்க வாய்ப்பு உள்ளது.

இராசியான எண்:-7
இராசியான நிறம்:-கருஞ்சிகப்பு
இராசியான திசை:-வடமேற்கு
பரிகாரம்:-திங்கள் கிழமையில் கணபதி வழிபாடு செய்து வரவும்.

கடகம்:-

கடகராசி அன்பர்களே, இந்த வாரம் உங்களுக்கு ராகு நன்மை தரும் கிரகமாகும். கமிஷன், தரகு, எஜன்சி போன்ற தொழில் செய்வோர்கள், பழைய பொருட்களாகிய பேப்பர், பிளாஸ்டிக், இரும்பு போன்ற வியாபாரிகள், மருத்துவமனைகளில் பரிசோதனைப் பணி செய்பவர்கள், கூட்டு இலாகா துறை சார்ந்தவர்கள் ஆகியோர்கள் நற்பலன் அடைவார்கள். நீண்ட காலமாகத் தடைபட்டு வந்த திருமண விஷயத்தில் நல்ல முடிவுகள் கிடைக்கலாம். அரசு சம்பந்தமான வழக்கு விஷயங்களில் சாதகமான தீர்ப்புகள் கிடைக்க வாய்ப்பு உள்ளது. கணவன் மனைவி உறவுகளில் சற்று எச்சரிக்கையுடன் நடந்து கொள்ளவும். பிரிந்து போன உறவுகள் மீண்டும் ஒன்று சேர வாய்ப்பு உள்ளது. செய்யாத குற்றங்களுக்காக வீண் பழிச் சொல்லுக்கு ஆளாக நேரிட இருப்பதால் நண்பர்களிடம் கவனமாகப் பழகுவது சிறந்தது. யாத்திரையில் மற்றவர்களை நம்பி ஏமாற்றம் அடைய வேண்டாம். சூதாட்டமாகிய ரேஸ் லாட்டரி மூலம் பொருள் இழப்புகள் ஏற்பட இருப்பதால் எச்சரிக்கை தேவை. வங்கிகள் மூலமாக வெகு நாட்களாக எதிர்பார்த்து இருந்த பணம் மற்றும் பொருட்கள் மற்றவர்களின் உதவியால் திரும்பக் கை வந்து சேரும்.

இராசியான எண்:-4
இராசியான நிறம்:-கருப்பு
இராசியான திசை:-வடமேற்கு
பரிகாரம்:-ஞாயிற்றுக் கிழமையில் பிதுர் வழிபாடு செய்து வரவும்.

சிம்மம்:-

சிம்மராசி அன்பர்களே, இந்த வாரம் உங்களுக்கு செவ்வாய் நன்மை தரும் கிரகமாகும். புதிய வீடு நிலங்கள் வாங்குவதற்கான முயற்சிகளில் வெற்றி பெறுவீர்கள். வங்கிகள் மூலமாக எதிர்பார்த்து இருந்த கடன் கேட்டு இருந்த பணங்கள் கிடைக்க வாய்ப்பு உள்ளது. அண்டை அயல் வீட்டுக்காரர்களுடன் விட்டுக் கொடுத்துப் போவதின் மூலம் சில ஆதாயங்களை அடைவீர்கள். நெருப்பு சம்பந்தமான தொழில்கள், கேஸ் வெல்டிங் போன்ற தொழிற்சாலைகள் நடத்துபவர்கள், காவல்துறை சார்ந்தவர்கள், தீயணைப்புத் துறை சார்ந்தவர்கள், சிற்றுண்டி உணவுப் பொருள் வியாபாரிகள், மின்சாரத் துறை சார்ந்தவர்கள் ஆகியோர்கள் நற்பலன் அடைவார்கள். கணவன் மனைவி உறவுகள் சுமாராகக் காணப்படும். தீர்த்த யாத்திரைகள் சென்று வருவதற்கான முயற்சிகளில் ஈடுபட்டுப் புதிய கடன்களை வாங்குவீர்கள். நண்பர்களிடம் விட்டுக் கொடுத்துப் போவதால் மனக் கசப்புகளைத் தவிர்க்கலாம். புதிய தொழில்களை ஆரம்பிப்பதை சிறிது காலம் தள்ளிப் போடுதல் உகந்ததாகும். பிள்ளைகளுக்கு உடல்நிலை பாதிப்புகளால் வெளியூர் பயணங்களும், மருத்துவச் செலவுகளும் உண்டாகும். தந்தை வழிச் சொத்துக்களில் இருந்து வந்த பிரச்சனைகள் சற்று குறையும்.

இராசியான எண்:-9
இராசியான நிறம்:-சிகப்பு
இராசியான திசை:-தெற்கு
பரிகாரம்:-செவ்வாய் கிழமையில் துர்க்கை அம்மன் ஆலய வழிபாடு செய்து வரவும்.

கன்னி:-

கன்னிராசி அன்பர்களே, இந்த வாரம் உங்களுக்கு சுக்கிரன் நன்மை தரும் கிரகமாகும். காணாமல் போன பொருட்கள் காவல் துறையினரின் உதவியால் திரும்பக் கிடைக்கும். வராத கடன், கொடுத்து இருந்த பணம் மற்றும் பொருட்கள் சம்பந்தமாக வீண் பிரச்சனைகள் உருவாகலாம். வெளிநாடு சென்று வருதல் போன்ற புதிய முயற்சிகளுக்காக கடன் கேட்டு எதிர்பார்த்து இருந்த பணம் கிடைக்க வாய்ப்பு உளளது. குல தெய்வ ஆலய வழிபாடுகள் செய்து வருவது சிறந்ததாகும். நண்பர்களின் மூலமாகப் புதிய கடன்கள் வாங்கிப் பழைய கடனை அடைப்பீர்கள். பூர்வீகச் சொத்துக்களில் நீண்ட நாட்களாக இருந்து வந்துள்ள பிரச்சனைகளுக்குப் பெரிய மனிதர்களின் தலையிடுதலால் நல்லதொரு சாதகமான முடிவுகள் கிடைக்கும். தங்கம், வெள்ளி போன்ற நகை வியாபாரிகள், ஷேர் மார்க்கெட் நடத்துபவர்கள், கட்டில் மெத்தை போன்ற அலங்காரப் பொருட்களின் வியாபாரிகள் ஆகியோர்கள் நற்பலன் அடைவார்கள். கோர்ட் சம்பந்தமான வழக்கு விசயங்களில் முடிவுகள் கிடைக்க இன்னும் சற்று கால தாமதம் ஆகலாம். மறைமுக எதிரிகளால் இருந்து வந்த தொல்லைகள் குறைய வாய்ப்பு உள்ள காலமாகும். கணவன் மனைவி உறவுகள் சுமாராகக் காணப்படும்.

இராசியான எண்:-6
இராசியான நிறம்:-வெள்ளை
இராசியான திசை:-தென்கிழக்கு
பரிகாரம்:-வெள்ளிக் கிழமையில் மஹாலட்சுமி வழிபாடு செய்து வரவும்.

துலாம்:-

துலாம்ராசி அன்பர்களே, இந்த வாரம் உங்களுக்கு புதன் நன்மை தரும் கிரகமாகும். பொது நலத் தொண்டுகளில் பிரியமுடன் ஈடுபட்டு நற்பெயர் புகழ் அடைவீர்கள். பழுது பட்ட ஆலயம் மற்றும் வீடுகளைப் புதுப்பிப்பதற்கான முயற்சிகளுக்காகப் புதிய கடன் வாங்குவீர்கள். நீண்ட காலமாகத் தடைபட்டு வந்த சகோதர சகோதரிகளின் சுப காரிய நிகழ்ச்சிகள் நடைபெற வாய்ப்பு உள்ளது. யாத்திரையில் மிகுந்த கவனமுடன் பிரயாணம் செய்து வருதல் நல்லது. சினிமா, நாடகம் போன்ற துறை சார்ந்தவர்கள், இசைக் கலைஞர்கள், இசைக் கல்லூரிப் பேராசிரியர்கள் மற்றும் இவற்றில் பணிபுரிவோர்கள், இணைய தளங்கள் நடத்துபவர்கள் ஆகியோர் நல்ல பலன் அடைவார்கள். காதல் சம்பந்தமான பெண்கள் விஷயங்களில் மிகுந்த எச்சரிக்கையுடன் நடந்து கொள்வது நன்றாகும். திருட்டுப் போன பொருட்கள் மற்றவர்களின் உதவியால் திரும்பக் கிடைக்கும். மஹான்களின் எதிர்பாராத தரிசனங்களால் மன மகிழ்ச்சி அடைய வாய்ப்பு உள்ளது. நண்பர்களால் வீண் பிரச்சனைகளும், மன நிம்மதிக் குறைவும் ஏற்பட இருப்பதால் எச்சரிக்கையுடன் பழகி வருதல் சிறந்தது. குழந்தைகளின் மகிழ்ச்சிக்காக உல்லாசப் பயணங்கள் சென்று வருவீர்கள்.

இராசியான எண்:-5
இராசியான நிறம்:-பச்சை
இராசியான திசை:-வடக்கு
பரிகாரம்:-புதன் கிழமையில் மஹாவிஷ்ணு ஆலய வழிபாடு செய்து வரவும்.

விருச்சிகம்:-

விருச்சிகராசி அன்பர்களே, இந்த வாரம் உங்களுக்கு சந்திரன் நன்மை தரும் கிரகமாகும். தீராத நோய்களுக்குப் புதிய முறை மருத்துவங்களின் மூலமாக நோய் தீர வாய்ப்புள்ளது. உத்தியோகத் துறையினருக்குப் பதவி உயர்வுகளும் பணிஇட மாற்றங்களும் ஏற்படலாம். பிரிந்து போன பழைய உறவுகள் மீண்டும் தொடரலாம். சொத்து சம்பந்தமான விசயங்களில் இருந்து வந்த மனக் கசப்புகள் குறைந்து ஒற்றுமை உண்டாகும். நீண்ட காலமாகத் தடை பட்டு வந்த திருமணம் போன்ற சுப காரியங்கள் நடை பெறலாம். வெளி நாட்டில் இருந்து எதிர்பார்த்த பண உதவிகள் மற்றும் நல்ல செய்திகள் வந்து சேரும். புதிய ஆடை மற்றும் ஆபரணங்கள் வாங்குவதைத் தவிர்த்தல் நல்லது. பிள்ளைகளுக்கு கல்வித் துறையில் பரிசு மற்றும் பாராட்டுக்களைப்
பெறுவதன் மூலம் குடும்பத்தில் மன மகிழச்சி உண்டாகும். கட்டிட சம்பந்தமான பொருட்களை விற்பனை செய்வோர்கள், கலைக் கல்லூரி நடத்துபவர்கள், இவைகளில் பணி செய்வோர்கள், பூஜை சாதனப் பொருட்கள், ஆலயப் பணியாளர்கள், உப்பு வியாபாரிகள், கப்பல் பணி ஆற்றுபவர்கள், தண்ணீர் கூல்டிரிங்ஸ் போன்ற திரவப் பொருள் வியாபாரிகள் ஆகியோர்கள் நற்பலன் அடைவார்கள். கண்களில் கவனம் தேவை.

இராசியான எண்:-2
இராசியான நிறம்:-வெள்ளை
இராசியான திசை:-மேற்கு
பரிகாரம்:-திங்கள் கிழமையில் அம்மன் ஆலய வழிபாடு செய்து வரவும்.

தனுசு:-

தனுசு ராசி அன்பரகளே, இந்த வாரம் உங்களுக்கு சூரியன் நன்மை தரும் கிரகமாகும். கணவன் மனைவி உறவுகளில் வெகு நாட்களாக இருந்து வந்த கருத்து வேறுபாடுகள் சற்றுக் குறைந்து மன நிம்மதி அடைவீர்கள். வேற்று மதத்தவர்களால் வெளிநாடு சென்று வருதல் போன்ற முயற்சிகளில் நல்ல தகவல்கள் வந்து சேரும். வங்கிகளில் இருந்து எதிர் பார்த்து இருந்த பண உதவிகள் கிடைக்கலாம். திடீர் அதிர்ஷ்டமான ரேஸ் லாட்டரி போன்றவற்றின் மூலமாகத் தனவரவுகள் உண்டாகலாம். வீடு, வாகனங்களைப் பழுது பார்ப்பதன் மூலம் பொருட்செலவுகள் உண்டாகும். உடம்பில் கண் காதுகளில் கவனமுடன் இருக்கவும். அடிமை ஆட்களால் எதிர்பாராத ஆதாயங்களும் மன மகிழ்ச்சியும் ஏற்படும். வேலை இல்லாதவர்களுக்குப் புதிய வேலை வாய்ப்புகள் கிடைக்கும். ஒரு சிலருக்கு வீடு மற்றும் தொழிற்சாலைகளை இட மாற்றம் செய்யத் திட்டம் போடுவீர்கள். புதிய கடன் கொடுப்பதைத் தவிர்த்தல் நல்லது. அச்சுத் தொழில், பேப்பர், ஸ்டேஷனரிப் பொருட்கள், உற்பத்தி விற்பனை செய்வோர்கள், அரசுத் துறை தபால் தந்தித் துறையினர், மருத்துவத் துறை சார்ந்தவர்கள் ஆகியோர்கள் நற்பலன் அடைவார்கள். யாத்திரையில் சில புதிய சந்திப்புகளால் நன்மை அடைவீர்கள்.

இராசியான எண்:-1
இராசியான நிறம்:-வெள்ளை
இராசியான திசை:-கிழக்கு
பரிகாரம்:-ஞயிற்றுக் கிழமையில் சூரிய வழிபாடு செய்து வரவும்.

மகரம்:-

மகரராசி அன்பர்களே, இந்த வாரம் உங்களுக்கு செவ்வாய் நன்மை தரும் கிரகமாகும். குடும்பத்தில் தடைபட்டு வந்த சுப காரியங்கள் நிறைவேற இன்னும் சற்று கால தாமதம் ஆகலாம். வட்டித் தொழில், கமிஷன், தரகு ஏஜன்சி குத்தகைத் தொழில் செய்வோர், நெருப்பு, ராணுவம், காவல் துறை சார்ந்தவர்கள், ஹோட்டல் நடத்துபவர்கள், மின்சாரத்துறை சார்ந்த பணியாளர்கள் ஆகியோர்கள் நல்ல பலனை அடைவார்கள். நீண்ட காலமாக வராத கடன் கொடுத்து இருந்த பணம் மற்றும் பொருட்கள் நண்பர்களின் உதவியால் திரும்பக் கிடைக்கும். கூட்டுத் தொழில் செய்வதற்கான முயற்சிகளுக்காக எதிர்பார்த்து இருந்த பணம் கை வந்து சேரும் காலமாகும். உற்றார் உறவினர்களால் எதிர்பார்த்த ஆதாயம் இல்லை. உடல் நிலையில் வாயு மற்றும் வயிறு சம்பந்தமான உபாதைகள் வந்து போகும். நீண்ட தூரப் பயணங்கள் மூலம் காரியங்கள் நிறைவேறும் காலமாகும். பொதுத் தொண்டுகளில் ஈடுபடுவோர்கள் மிகுந்த எச்சரிக்கையுடன் பணி செய்வது நல்லதாகும். பெண்களின் விஷயங்களில் செய்யாத குற்றங்களுக்காக அவப்பெயர் ஏற்படலாம். புதிய ஆடை அணிகலன்களை வாங்க முயற்சிப்பீர்கள்.

இராசியான எண்:-9
இராசியான நிறம்:-சிகப்பு
இராசியான திசை:-தெற்கு
பரிகாரம்:-செவ்வாய் கிழமையில் முருகன் ஆலய வழிபாடு செய்து வரவும்.

கும்பம்:-

கும்பராசி அன்பர்களே, இந்த வாரம் உங்களுக்கு சுக்கிரன் நன்மை தரும் கிரகமாகும். பொருளாதாரத்தில் இருந்து வந்த நெருக்கடி நிலைகள் மாறிப் பொருளாதாரத்தில் முன்னேற்றம் காணப்படும். பூர்வீகச் சொத்து சம்பந்தமான வழக்கு விஷயங்களில் எதிர்பார்த்த நல்ல முடிவுகள் கிடைக்கலாம். காதல் விஷயங்களில் நற்செய்திகள் வந்து சேரும். உடல் நிலையில் மூலம் மற்றும் வயிறு போன்ற உபாதைகள் வந்து போகும். மனைவியின் உடல் நிலையில் பாதிப்புகள் எற்பட்டு அவர்களால் மருத்துவச் செலவுகள் உண்டாகும். பங்காளிகளுடன் சேர்ந்து நடத்தும் கூட்டுத் தொழில்களில் காரணமற்ற மனக் கசப்புகள் வர இருப்பதால் முன்கோபத்தை விலக்குதல் சிறந்தது. மாணவர்கள் கல்வியில் மிகுந்த கவனமுடன் பயின்று வருதல் நல்லதாகும். தந்தை மகன் உறவுகளில் இருந்து வந்த கருத்து வேறுபாடுகள் குறைந்து மன நிம்மதி அடைவீர்கள். வீடு மற்றும் தொழிற் சாலைகளில் கவனமுடன் இருந்தால் திருட்டுப் போவதைத் தவிர்க்கலாம். சினிமா, நாடகம் மற்றும் கலைத்துறை சம்பந்தமான பொருட்கள் விற்பனை செய்வோர்கள், நடிகர்கள், நடிகைகள், கலைத்தொழில் செய்வோர்கள், பாத்திர வியாபாரிகள், கலைக் கல்லூரி சார்ந்தவர்கள் ஆகியோர் நற்பலன் அடைவார்கள்.

இராசியான எண்:-6
இராசியான நிறம்:-வெள்ளை
இராசியான திசை:-தென்கிழக்கு
பரிகாரம்:-வெள்ளிக் கிழமையில் மஹாலட்சுமி ஆலய வழிபாடு செய்து வரவும்.

மீனம்:-

மீனராசி அன்பர்களே, இந்த வாரம் உங்களுக்கு ராகு நன்மை தரும் கிரகமாகும். மற்றவர்களுக்காக உதவுவதாக எண்ணி வீண் பிரச்சனைகளில் மாட்டிக் கொண்டு மன நிம்மதி இழக்க வேண்டாம். கடன் மற்றும் சொத்து போன்ற விசயங்களில் பிறருக்காக ஜாமீன் போடுவதை தவிர்க்கவும். வெளிநாட்டில் வசிப்பவர்கள் தாய் நாடு சென்று உறவினர்களைச் சந்தித்து திரும்ப வாய்ப்பு உள்ளது. சூதாட்டங்களில் பணம் பொருட்கள் ஏமாற்றம் அடையாமல் எச்சரிக்கையுடன் இருத்தல் நல்லது. நண்பர்களின் வீட்டுச் சுப காரிய நிகழ்ச்சிகளில் கலந்து கொள்வதற்காக நீண்ட தூரப் பயணங்களை மேற்கொள்ளுவீர்கள். மீன், முட்டை, மாமிசம் போன்ற உணவுப்பொருள் வியாபாரிகள், பழைய பொருட்கள் விற்பனை செய்வோர்கள், இரசாயனத் தொழிற்சாலைகளில் பணி செய்வோர்கள், அணு ஆராய்ச்சிகளில் பங்கு கொள்வோர்கள் ஆகியோர் நல்ல பலனை அடைவார்கள். குடும்பத்தில் நீண்ட காலமாகத் தடைபட்டு வந்த சுப காரிய நிகழ்ச்சிகள் நிறைவேறுவதற்காகப் புதிய கடன்கள் வாங்குவீர்கள். அண்டை அயல் வீட்டுக்காரர்களுடன் வீண் பிரச்சனைகள் உருவாகலாம். அரசியல்வாதிகளால் எதிர்பார்த்து இருந்த ஆதாயம் கிடைக்க கூடிய வாய்ப்பு உள்ளது.

இராசியான எண்:-4
இராசியான நிறம்:-கருப்பு
இராசியான திசை:-வடமேற்கு
பரிகாரம்:-ஞயிற்றுக் கிழமையில் பிதுர்க்கள் (முன்னோர்கள்) மற்றும் அம்மன் ஆலய வழிபாடு செய்து வரவும்.

Gnanayohi Dr. P. Esakki, I.B.A.M., R.M.P., D.I.S.M
18 (25B/1), Pulavar Street,
Krishnapuram,
Kadayanallur – 627 759
Tirunelveli District, Tamil Nadu, India.
Phone : 04633-243029,
Mobile: 98425-10578, 98425-29691,
Fax: 04633 -240390
Website:- www.gnanayohi.com

“