இராசிபலன்கள்(29-12-2014 முதல் 4-1-2015 வரை)

மேஷம்

மேஷ ராசி அன்பர்களே! இந்த வாரம் உங்களுக்குச் செவ்வாய் நன்மை தரும் கிரகமாகும். நெருப்புத் தொழில், காவல்துறை, இராணுவம் சார்ந்தவர்கள், இணையத்தளங்களை நடத்துபவர்கள், மின்சாரத்துறை சார்ந்தவர்கள் ஆகியோர் நற்பலன்களை அடைவர். மேலதிகாரிகளிடம் முன் கோபத்தைத் தவிர்த்துப் பணியாற்றுதல் நல்லது! சூதாட்டத்தால் இழப்பு ஏற்பட வாய்ப்பிருப்பதால் அதைத் தவிர்த்தல் நல்லதாகும்! புதிய கூட்டுத் தொழில் முயற்சிகளைச் சற்றுத் தாமதமாகத் தொடங்குவது நல்லது! எதிர்பாராமல் வட திசையில் இருந்து பொருள் வரவும், நல்ல செய்திகளும் வந்து சேரும். திரும்பி வராமலிருந்த கடன், கொடுத்து வைத்துள்ள பணம் எதிர்பாராமல் திரும்பக் கிடைக்கும். நண்பர்களால் வீண் விவாதங்களும் தொல்லைகளும் வந்து போகும். கண்களில் கவனத்துடன் இருப்பது நல்லது! பொருளாதார நெருக்கடிகள் ஏற்பட்டாலும் மிகவும் முயற்சியெடுத்துச் சமாளித்துக் கொள்வீர்கள். குடும்பத்தில் ஏற்படும் உடல்நலப் பாதிப்புகள் நீங்குவதற்காக வெளியூர்ப் பயணங்களை மேற்கொள்வீர்கள். கணவன் – மனைவி உறவில் இருந்து வந்த பிரச்சினைகள் தீர்ந்து சுமுகம் ஏற்படும். தோல், ரத்தம் சம்பந்தமான பிணிகள் வந்து போகும்.

இராசியான எண்:- 9
இராசியான நிறம்:- சிகப்பு
இராசியான திசை:- தெற்கு
பரிகாரம்:- முருகன் வழிபாடு செய்து வருக!

ரிஷபம்

ரிஷப ராசி அன்பர்களே! இந்த வாரம் உங்களுக்கு ராகு நன்மை தரும் கிரகமாகும். தோல் சம்பந்தமான பொருட்களை ஏற்றுமதி / இறக்குமதி செய்பவர்கள், பழைய இரும்பு வியாபாரிகள், சாயப் பொடித் தொழிற்சாலை நடத்துபவர்கள், அறிவியல்துறை சார்ந்தவர்கள், ஆசிரமவாசிகள், கழிவுப் பொருள் வியாபாரிகள், நீதிமன்றப் பணி செய்பவர்கள், தரகு, வட்டித் தொழில் செய்பவர்கள், அசைவப் பொருள் வியாபாரிகள், அணு ஆராய்ச்சி செய்பவர்கள் ஆகியோர் லாபம் அடைவர். மூளை, நரம்பு, எலும்பு ஆகியவற்றில் உபாதைகள் வந்து போகலாம். வீட்டைப் புதுப்பித்துக் கட்டுவதற்கான செலவு வந்து சேரும். பூர்விக இடத்தை விட்டு மாறிச் செல்லத் திட்டம் போடுவீர்கள். ஆதரவற்ற ஏழைகளுக்கு உதவி செய்து அதனால் மகிழ்ச்சி அடைவீர்கள். விட்டுப் போன பழைய வழக்குகள் மீண்டும் தொடர வாய்ப்பு உள்ளதால் மிகவும் எச்சரிக்கையுடன் இருப்பது நல்லது! நெடு நாட்களாகப் பிரச்சினையில் இருந்த குடும்பச் சொத்துக்கள் கைக்கு வந்து சேரக்கூடிய காலமாகும். அரசு வழக்குகளில் சாதகமான நல்ல தீர்ப்புகளை எதிர்பார்க்கலாம். விபரீத எண்ணங்களை விட்டுக் காரியத்தைக் கவனியுங்கள்! வேலைவாய்ப்பு இல்லாதவர்களுக்கு வெகு நாட்களாக எதிர்பார்த்திருந்த புதிய வேலைவாய்ப்புகள் கிடைக்கும் காலமாகும்.

இராசியான எண்:- 4
இராசியான நிறம்:- கருப்பு
இராசியான திசை:- வடமேற்கு
பரிகாரம்:- அம்மன், பிதுர் வழிபாடும் அன்னதானமும் செய்து வருக!

மிதுனம்

மிதுன ராசி அன்பர்களே! இந்த வாரம் உங்களுக்குச் சந்திரன் நன்மை தரும் கிரகமாகும். குலதெய்வ ஆலய வழிபாடு செய்து வருவதற்கான முயற்சிகளில் ஈடுபடுவீர்கள். தாயின் உடல்நிலையில் பாதிப்புகள் உண்டாவதோடு மருத்துவச் செலவுகளும் ஏற்படும். பயணத்தில் கவனத்துடன் இருக்க வேண்டும்! திரவப்பொருள் வியாபாரிகள், பூஜைப்பொருள் வியாபாரிகள், மருந்து நிறுவனம் நடத்துபவர்கள், மருத்துவக் கல்லூரி மாணவர்கள், ஜவுளி, நூல் வியாபாரிகள், கப்பல் பணி செய்பவர்கள், உப்பு, உர வியாபாரிகள் ஆகியோர் நற்பலன் அடைவர். பிள்ளைகளுக்கு எதிர்பார்த்து வந்த வேலைவாய்ப்புகள் கிடைக்கும். கணவன் – மனைவி உறவில் விரிசல்களும் வீண் மனக் குழப்பங்களும் வந்து போகும். நீண்ட நாட்களாக வராத பணம் திரும்பக் கை வந்து சேரக்கூடிய காலமாகும். திருமணம் போன்ற சுப நிகழ்ச்சிகளுக்காக நீண்ட பயணங்களை மேற்கொள்ளுவீர்கள். பொருளாதாரத்தில் இருந்து வந்த பிரச்சினைகள் தீர்ந்து நிம்மதி அடைவீர்கள். புதிதாக வீடு, வாகனம், நிலபுலன்கள் வாங்க வாய்ப்பு உள்ள காலமாகும். உறவினர்களால் வீண் செலவுகள் உண்டாகும். மற்றவர்களை நம்பி எதையும் கடன் கொடுத்து ஏமாற்றம் அடைய வேண்டாம்!

இராசியான எண்:- 2
இராசியான நிறம்:- வெள்ளை
இராசியான திசை:- மேற்கு
பரிகாரம்:- அம்மன் வழிபாடும் அன்னதானமும் செய்து வருக!

கடகம்

கடக ராசி அன்பர்களே! இந்த வாரம் உங்களுக்கு சனி நன்மை தரும் கிரகமாகும். பயணங்களில் மிகுந்த கவனத்துடன் சென்று வருதல் நல்லதாகும்! திருமண விஷயங்களுக்காக முயற்சி செய்யலாம். எதிர்பார்த்த பண உதவிகள் உறவினர்களால் கிடைக்கும். நீண்ட காலமாகக் காணாமல் போன பொருட்கள், நபர்கள் திரும்ப வீடு வந்து சேரும் காலமாகும். வாயு, வாதம் ஆகிய தொல்லைகள் வந்து போகும். நீண்ட புனிதப் பயணங்களை மேற்கொள்வீர்கள். பந்தயம், பரிசுச்சீட்டு மூலமாகத் திடீர் தன வரவு உண்டாகும். சொத்து சம்பந்தமான வழக்கு விஷயங்களில் நல்ல முடிவுகள் ஏற்படும். பிள்ளைகளால் எதிர்பாராத சிற்சில ஆதாயங்களை அடைய வாய்ப்பு உள்ளது. ஆடம்பர அலங்காரப் பொருள் வியாபாரிகள், இரும்பு, இயந்திரம் எண்ணெய் சம்பந்தமான வியாபாரிகள், பல சரக்குத் தொழில் செய்பவர்கள், பழைய இரும்புப் பொருட்கள், கழிவுப் பொருட்கள் விற்பவர்கள், அலுவலகப் பணி உதவியாளர்கள், மிசினரி சம்பந்தமான உதிரிப் பாகங்களை ஏற்றுமதி / இறக்குமதி செய்பவர்கள், பெட்ரோல், டீசல், மண்ணெண்ணெய் போன்ற எரிபொருள் வியாபாரிகள் ஆகியோர் மிகவும் ஆதாயம் அடைவர். ஆதரவற்றோர்களுக்கு உதவுவதில் மகிழ்ச்சி அடைவீர்கள். வெகு காலமாக நினைத்துக் கொண்டிருந்த கூட்டுத் தொழில் முயற்சிகளைத் தொடங்கினால் மிகவும் நல்ல பலன்கள் கிடைக்கும்.

இராசியான எண்:- 8
இராசியான நிறம்:- நீலம்
இராசியான திசை:- தென்மேற்கு
பரிகாரம்:- ஐயப்பன் வழிபாடு செய்து வருக!

சிம்மம்

சிம்ம ராசி அன்பர்களே! இந்த வாரம் உங்களுக்கு சூரியன் நன்மை தரும் கிரகமாகும். குடும்பத்தில் திருமணம் போன்ற சுப நிகழ்ச்சிகள் நடைபெற வாய்ப்பு உள்ளது. பங்குச்சந்தை, கணிதம், எழுத்துத்துறை சார்ந்தவர்கள், அரசியல்வாதிகள், அரசு உயர் பதவி வகிப்பவர்கள், நெருப்பு சம்பந்தமான உணவுப்பொருள் வியாபாரிகள், நிலக்கரி, விறகு போன்ற எரிபொருள் வியாபாரிகள் ஆகியோர் மிகவும் ஆதாயம் அடைவர். கண், காது ஆகியவற்றில் கவனத்துடன் இருங்கள்! உற்றார், உறவினர்களின் எதிர்பாராத திடீர் வரவுகளால் செலவுகள் ஏற்பட்டாலும் அவர்களால் எதிர்பாராத சிற்சில ஆதாயங்களையும் அடைவீர்கள். புதிய கடன் வாங்கிப் பழைய கடன்களை அடைப்பதற்கான முயற்சிகளில் ஈடுபடுவீர்கள். காதல் விஷயத்தில் எதிர்பார்த்திருந்த நல்ல செய்திகள் வந்து சேரும் காலமாகும். குலதெய்வ வழிபாட்டிற்காகத் தொலை தூரப் பயணங்களை மேற்கொள்ள நேரும். மூத்த சகோதரர்களால் செலவுகளும் நிம்மதிக் குறைவும் ஏற்படலாம். பணியிட மாற்றமும் பதவி உயர்வுகளும் வரக்கூடும். தீராத நாட்பட்ட நோய்களுக்கு விடை காணுவீர்கள். நீண்ட காலமாகப் புதிய கட்டடம் கட்டப் போட்ட திட்டங்கள் நிறைவேறும். பந்தயம், பரிசுச்சீட்டு போன்றவற்றின் மூலம் திடீர் தன வரவுகள் உண்டாகும்.

இராசியான எண்:- 1
இராசியான நிறம்:- வெள்ளை
இராசியான திசை:- கிழக்கு
பரிகாரம்:- சிவ ஆலய வழிபாடும் அன்னதானமும் செய்து வருக!

கன்னி

கன்னி ராசி அன்பர்களே! இந்த வாரம் உங்களுக்கு வியாழன் நன்மை தரும் கிரகமாகும். தேவையற்ற நண்பர்களின் தொடர்புகளால் பிரச்சினைகள் வர இருப்பதால் கவனத்துடன் பழகுதல் நல்லது! குலதெய்வ ஆலயத்தைப் புதுப்பிப்பதற்கான முயற்சிகளில் நற்பெயர் பெறுவீர்கள். பயணத்தின்போது புதிய பெரிய மனிதர்கள் சந்திப்பு உண்டாகி அவர்களால் காரியங்களைச் சாதித்துக் கொள்வீர்கள். மற்றவர்களுக்காக ஜாமீன் போடுவதைத் தவிர்க்க வேண்டும்! கணினி சம்பந்தமான பொருட்களை விற்பனை செய்பவர்கள், பழ வியாபாரிகள், ஆதரவற்றோர் ஆசிரமம் நடத்துபவர்கள், அறநிலையத்துறை சார்ந்தவர்கள், பூஜைப்பொருள் வியாபாரிகள், தானிய வியாபாரிகள் ஆகியோர் லாபம் பெறுவர். கூட்டுத்தொழில் முயற்சிகளில் வெற்றி அடைவீர்கள். பொருளாதார நெருக்கடிகள் தீரும். முதுகு, வயிறு ஆகியவற்றில் உபாதைகள் வந்து போகும். விபரீதமான எண்ணங்களை விட்டொழித்துக் காரியத்தில் கவனமாய் இருங்கள்! சொத்து சம்பந்தமான வழக்கு விஷயத்தில் சாதகமான நல்ல முடிவுகளை எதிர்பார்க்கலாம். நாட்பட்ட பழைய கடன்கள் மீண்டும் தொல்லை தர வாய்ப்பு உள்ளது. வெளிநாடு செல்லுதல் போன்ற புதிய முயற்சிகளில் வெற்றி கிடைக்கும். புதிய கடன்கள் வாங்கிப் பழைய கடன்களை அடைப்பீர்கள்.

இராசியான எண்:- 3
இராசியான நிறம்:- மஞ்சள்
இராசியான திசை:- வடகிழக்கு
பரிகாரம்:- சிவ ஆலய வழிபாடும் அன்னதானமும் செய்து வருக!

துலாம்

துலா ராசி அன்பர்களே! இந்த வாரம் உங்களுக்கு புதன் நன்மை தரும் கிரகமாகும். நீண்ட நாட்களாகத் தடைப்பட்டு வந்த சகோதர சகோதரிகளின் திருமணக் காரியங்களில் வெற்றி அடைவீர்கள். திருட்டுப் போன பொருட்கள் நண்பர்களின் உதவியால் திரும்ப வீடு வந்து சேரும். எழுதுபொருள் விற்பனை செய்பவர்கள், அச்சுத்துறை சார்ந்த பொருட்களை விற்பவர்கள், எழுத்தாளர்கள், அஞ்சல்துறை சார்ந்தவர்கள், காய்கறி, இலை, சிற்றுண்டி வியாபாரிகள் ஆகியோர் நல்ல லாபம் அடைவர். ஒரு சிலருக்குப் புதிய வீடு மாற்றம் ஏற்படலாம். உறவினர்களின் வரவால் பொருள் வரவும் மகிழ்ச்சியும் உண்டாகும். பொருளாதாரத்தில் இது நாள் வரையில் இருந்து வந்த நெருக்கடிகள் மாறிச் சற்று முன்னேற்றம் காணப்படும். எதிர்பாராத நீண்ட பயணங்களின் மூலம் மன நிறைவடைய வாய்ப்பு உள்ளது. பணியில் இருப்பவர்களுக்குப் பதவி உயர்வும் மேலதிகாரிகளின் ஆதரவும் நிரம்ப உண்டாகும். விவசாயம் செய்பவர்களுக்கு நல்ல விளைச்சலும், லாபமும் கிடைக்கும். புதிய வீடுகளை வாங்கப் போட்ட திட்டங்களுக்காக வங்கிகளில் எதிர்பார்த்திருந்த கடன் தொகைகள் கிடைக்கக்கூடிய காலமாகும்.

இராசியான எண்:- 5
இராசியான நிறம்:- பச்சை
இராசியான திசை:- வடக்கு
பரிகாரம்:- மகாவிஷ்ணு வழிபாடும் அன்னதானமும் செய்து வருக!

விருச்சிகம்

விருச்சிக ராசி அன்பர்களே! இந்த வாரம் உங்களுக்கு சுக்கிரன் நன்மை தரும் கிரகமாகும். நண்பர்கள் உதவக்கூடிய நிலையில் இல்லை. பெண்கள் விஷயத்தில் மிகுந்த எச்சரிக்கையுடன் நடந்து கொள்வது நன்று! புதிய கடன் வாங்குவதற்காக முயற்சிப்பீர்கள்.
அண்டை அயல் வீட்டுக்காரர்களுடன் காரணமற்ற பிரச்சினைகள் வர இருப்பதால் மிகவும் எச்சரிக்கையுடன் பேசிப் பழகுதல் நல்லதாகும். விளையாட்டுத்துறை சார்ந்தவர்களுக்குப் பரிசும் பாராட்டும் கிடைக்கும். வெகு தூரப் பயணங்களில் மிகுந்த எச்சரிக்கையுடன் சென்று வருவது நல்லது. பூர்விகச் சொத்துக்களில் இருந்து வந்த பிரச்சினைகள் தீர்ந்து நல்ல சூழ்நிலை காணப்படும். சுப நிகழ்ச்சிகளில் கலந்து கொண்டு மகிழ்ச்சி அடைவீர்கள். கட்டுமானப் பொருட்களை விற்பனை செய்பவர்கள், அழகுக்கூடம் நடத்துபவர்கள், திரைப்படம், நாடகம் போன்ற துறைகளைச் சார்ந்தவர்கள், ஆடு, மாடு, கார், லாரி போன்ற வாகனத் தொழில் செய்பவர்கள், கலைக்கல்லூரி மாணவர்கள் – ஆசிரியர்கள், ஆபரணங்கள், நவரத்தினங்கள் விற்பவர்கள் ஆகியோர் நற்பலன் அடைவீர்கள். உடல்நிலையில் இருந்து வந்த நாட்பட்ட நோய்கள் நீங்கி நிம்மதி உண்டாகும். புதிய பெரிய மனிதர்களையும் அரசியல்வாதிகளையும் சந்திக்க எடுத்துக் கொண்ட முயற்சிகள் வெற்றி அளிக்கும்.

இராசியான எண்:- 6
இராசியான நிறம்:- வெள்ளை
இராசியான திசை:- தென்கிழக்கு
பரிகாரம்:- மகாலட்சுமி வழிபாடும் அன்னதானமும் செய்து வருக!

தனுசு

தநுசு ராசி அன்பர்களே! இந்த வாரம் உங்களுக்குக் கேது நன்மை தரும் கிரகமாகும். பயணங்களின்பொழுது மிகுந்த கவனத்துடன் சென்று வருவது நல்லதாகும். உற்றார் உறவினர்களின் வருகையால் செலவுகள் உண்டாகலாம். புதிய நண்பர்களின் சேர்க்கையால் செய்யாத குற்றங்களுக்காகக் காரணமற்ற பிரச்சினைகள் வந்து சேரும் என்பதால் மிகவும் எச்சரிக்கையுடன் இருங்கள்! விவசாயம் செய்பவர்கள், அரசியல்வாதிகள், கலைத்துறையினர், அணு ஆராய்ச்சித்துறை சார்ந்தவர்கள், கழிவுப் பொருள் வியாபாரிகள், பணியாட்கள், அசைவ உணவுப்பொருள் வியாபாரிகள், துப்புரவுப் பணி செய்பவர்கள் ஆகியோர் நல்ல ஆதாயங்களை அடைவர். கணவன் – மனைவி உறவில் இருந்து வந்த பிரச்சினைகள் நீங்கி சுமுகமான சூழல் உருவாகும். சொத்து சம்பந்தமான வழக்கு விஷயங்களில் எதிர்பார்த்த முடிவுகள் கிடைக்கச் சற்றுத் தாமதம் ஆகலாம். வீடு, நிலம் வாங்கும் முயற்சிகளில் அரசு சம்பந்தமான எதிர்பார்த்த உதவித்தொகைகள் கிடைக்கும். தந்தை – மகன் உறவில் இருந்து வந்த மனக் கசப்புகள் நீங்கி ஒற்றுமை ஏற்படும். பல காலமாகத் தீராத நோய்கள் புதிய மருத்துவர்களின் உதவியால் நீங்கும். காதல் விஷயத்தில் மிகுந்த கவனத்துடன் இருத்தல் நல்லது!

இராசியான எண்:- 7
இராசியான நிறம்:- கருஞ்சிகப்பு
இராசியான திசை:- வடமேற்கு
பரிகாரம்:- விநாயகர் வழிபாடும் அன்னதானமும் செய்து வருக!

மகரம்

மகர ராசி அன்பர்களே! இந்த வாரம் உங்களுக்குச் செவ்வாய் நன்மை தரும் கிரகமாகும். நெருப்புத் தொழில் செய்பவர்கள், கேஸ், வெல்டிங் போன்ற பணிகள் செய்பவர்கள், காவல்துறை, ராணுவம் ஆகியவற்றைச் சார்ந்தவர்கள், தீயணைப்புத்துறையைச் சேர்ந்தவர்கள், கார உணவுப்பொருள் வியாபாரிகள், நிலக்கரி வியாபாரம் செய்பவர்கள், விறகு வியாபாரிகள், மசால் பொடிகளை ஏற்றுமதி / இறக்குமதி செய்பவர்கள் ஆகியோர் நற்பலன் அடைவீர்கள். காதல் சம்பந்தமான விஷயங்களில் பெண்களால் அவப்பெயர் வரக்கூடும் என்பதால் எச்சரிக்கையுடன் பழகுதல் நல்லது! விட்டுப் போன கணவன் – மனைவி உறவு மீண்டும் தொடர வாய்ப்பு உள்ளது. நண்பர்களால் எதிர்பார்த்த ஆதாயம் கிடைக்க இன்னும் சற்றுத் தாமதம் ஆகலாம். புதிய தொழில் ஆரம்பம் செய்வதற்காக வங்கிகள் மூலம் நீண்ட காலமாக எதிர்பார்த்திருந்த கடன் தொகைகள் கிடைக்க வாய்ப்பு உள்ளது. சம்பந்தம் இல்லாத நபர்களால் எதிர்பாராத தன வரவு உண்டாகும். வீட்டைத் திருத்திக் கட்டுவதில் மிகுந்த அக்கறையுடன் திட்டம் போடுவீர்கள். திடீர் அதிர்ஷ்டம் மூலம் எதிர்பாராத தனவரவு உண்டாகும். மகான்களின் நல்லாசிகளுக்காக நீண்ட தூரப் பயணங்களை மேற்கொள்வீர்கள். குடும்பத்தில் தடைப்பட்டிருந்த சுப நிகழ்ச்சிகள் நடக்கும். கண், காது ஆகியவற்றில் மிகவும் கவனத்துடன் இருத்தல் நல்லது!

இராசியான எண்:- 9
இராசியான நிறம்:- சிகப்பு
இராசியான திசை:- தெற்கு
பரிகாரம்:- முருகன் வழிபாடும் அன்னதானமும் செய்து வருக!

கும்பம்

கும்ப ராசி அன்பர்களே! இந்த வாரம் உங்களுக்கு சூரியன் நன்மை தரும் கிரகமாகும். சம்பந்தம் இல்லாமல் அடுத்தவர்களின் பிரச்சினைகளில் தலையிட்டுக் கவலை அடையாதீர்கள்! தடைப்பட்டு வந்த சகோதர சகோதரிகளின் திருமணம் போன்ற சுப காரியங்கள் நிறைவேறும் வாய்ப்பு உள்ளது. கொடுக்க வேண்டிய பழைய கடன்களைக் கொடுத்துப் புதிய கடன்களை வாங்கத் திட்டம் போடுவீர்கள். குடும்பச் சொத்துக்கள் போன்ற விஷயத்தில் நல்ல தீர்ப்புகளை எதிர்பார்க்கலாம். உடற்சூடு, காய்ச்சல் போன்ற உபாதைகள் வந்து போகும். குலதெய்வ ஆலயத்தைத் திருத்தி கட்டப் போட்ட திட்டங்களில் சிறிய தடைகள் வந்து வெற்றி அடைவீர்கள். திருமணத் தகவல் மையம் நடத்துபவர்கள், வாகனங்களில் பணியாற்றுபவர்கள், அரசுத்துறை சார்ந்த வழக்குரைஞர்கள், உணவகத்தில் நெருப்பு சம்பந்தமான தொழில் செய்பவர்கள், மந்திரிகள், வெளிநாட்டுத் தூதர்கள், ஜவுளி, நூல் வியாபாரிகள் ஆகியோர் மிகவும் நற்பலன் அடைவர். உறவினர்கள் உதவக்கூடிய நிலையில் இல்லை. பண விஷயங்களுக்கான நீண்ட தூரப் பயணங்களைச் சற்றுத் தள்ளிப் போடுதல் நல்லது! பந்தயம், பரிசுச்சீட்டு போன்ற சூதாட்ட சம்பந்தமான விஷயங்களினால் பணம் கை விட்டுப் போக இருப்பதால் அவற்றைத் தவிர்ப்பது நல்லதாகும்.

இராசியான எண்:- 1, 2
இராசியான நிறம்:- வெள்ளை
இராசியான திசை:- கிழக்கு, மேற்கு
பரிகாரம்:- சிவன், அம்மன் வழிபாடும் அன்னதானமும் செய்து வருக!

மீனம்

மீன ராசி அன்பர்களே! இந்த வாரம் உங்களுக்கு வியாழன் நன்மை தரும் கிரகமாகும். பூ, பழம், பூஜைப் பொருட்கள் விற்பவர்கள், இனிப்புத் தின்பண்ட வியாபாரிகள், கணினித்துறை சார்ந்தவர்கள், ஆலயப் பணி செய்பவர்கள், அறநிலையத்துறை சார்ந்தவர்கள், ஆதரவற்றோர் ஆசிரமம் நடத்துபவர்கள், மடாதிபதிகள், கல்லூரிப் பேராசிரியர்கள் ஆகியோர் மிகவும் நற்பலன்களை அடைய வாய்ப்பு உள்ளது. வெளிநாடு சென்று வருவதற்கான புதிய முயற்சிகளில் சம்பந்தம் இல்லாத நபர்களால் சில ஆதாயங்கள் வந்து சேருவதற்கான வாய்ப்பு உள்ளது. பங்குச்சந்தையில் ஈடுபடுவோர், நகை வியாபாரிகள் ஆகியோர் மிகுந்த எச்சரிக்கையுடன் வணிகத்தில் ஈடுபடுவது நல்லது! அரசு சம்பந்தமான வழக்கு விஷயங்களில் வெகு காலமாக எதிர்பார்த்திருந்து வந்த நல்ல முடிவுகள் கிடைக்கும். பொது நலக் காரியங்களுக்காக மிகுந்த அக்கறையுடன் செயல்பட்டு நற்பெயரும், புகழும் பெறுவீர்கள். முன் கோபத்தைத் தவிர்த்து அண்டை அயலாருடன் கவனமாகப் பேசிப் பழகுதல் நல்லது! குலதெய்வ வழிபாடு செய்து வருவதால் கிரக தோஷங்கள் நீங்க வாய்ப்பு உள்ளது. எதிர்பார்த்திருந்த கடன் தொகைகள் வங்கிகளால் கிடைக்கும். தந்தை – மகன் உறவில் சிறிய கருத்து வேறுபாடுகள் வந்து நீங்கும். வாயுத்தொல்லை, வயிற்று உபாதை ஆகியவை வந்து போகும்.

இராசியான எண்:- 3
இராசியான நிறம்:- மஞ்சள்
இராசியான திசை:- வடகிழக்கு
பரிகாரம்:- சிவ வழிபாடும் அன்னதானமும் செய்து வருக!

*****************

Gnanayohi Dr.P.Esakki, I.B.A.M., R.M.P., D.I.S.M,
18 (25-B/1), Pulavar Street,
Krishnapuram,
Kadayanallur – 627759.
Thirunelveli District, TamilNadu, India.
Phone: 04633-243029.
Mobile: 9842510578, 9842529691.
Fax: 04633-240390.
Website: www.gnanayohi.com.

About The Author