Morning - a light sound art / காலையில் -- ஒரு ஒளி ஒலிச்சித்திரம்

Home

இதழ் 460

மார்ச் 15 2010

www.guruji.com

Username

Password

New Members!
Register Here..

Support

Your Advertisement Here

add nilacharal to your favourites

nilacharal as your homepage

Home>>

கவிதை

காலையில் -- ஒரு ஒளி ஒலிச்சித்திரம்
- டி.வி. சுவாமிநாதன்

உங்கள் கருத்துகள்

நண்பருக்கு அனுப்ப

பிரதி எடுக்க

கன்றுகள் தாய்மடி முட்டுகையில் கழுத்துச் சிறுமணி கிணிகிணுக்கும்; மன்றல் முடிக்கக் கோத்தும்பி மலரை சுற்றி ரீங்கரிக்கும்;

கங்குல் கலையச் சேவல்கள்
காகளம் ஊதும் வேளையிலே
குங்குமப் பூக்கள் அடிவானில்
குலுங்கு வதைப்போல் செவ்வரிகள்.

புலரிப் பொழுதில் பறவையினம்
பூபாளத்தின் குழைவுகளை
சிலுசிலுப் பேற்றும் பூந்தென்றல்
சிவிகையி லேற்றித் தூதுவிடும்.

சிறுசிறு வைரத் திவலைகள்
சிதறிக் கிடக்கும் புல்நுனிமேல்;
பொறுக்கி எடுக்கக் குனிவதற்குள்
பொன்முக கதிரோன் திருடுகிறான்

குடத்தில் மங்கையர்`மொள்ளும்நீர்
குபுகுபு வென்னப் புகும்ஓசை?
படித்துரை மீது அவர்ஆடை
படியத் துவைக்கும் தாளொலி;

கன்றுகள் தாய்மடி முட்டுகையில்
கழுத்துச் சிறுமணி கிணிகிணுக்கும்;
மன்றல் முடிக்கக் கோத்தும்பி
மலரை சுற்றி ரீங்கரிக்கும்;

கோலம் போடும் பூவையர்கை
குலுங்கும் வளையல் சங்கீதம்;
ஆலயக் கெண்டா மணிநாதம்
அகச்சுவர் மோதும் எதிரொலிகள்.

சூடிக் கொடுத்த திருப்பாவை
சுப்ர பாதம் பல்லாண்டு
பாடிப் பள்ளி எழுச்சிசெயப்
பரமன் தாமரை கண்மலர்வான்.

பாதசரங்களின் பண் உதிரப்
பாவையர் கோவில் வலம்வருவார்;
நாதசுரத்தின் இசை வெள்ளம்
நதியாய் விசும்பின் வழிபாயும்.

பயிரிடை வாய்கால் வழிதண்ணீர்
பாயும் ஒசை; பானையிலே
தயிரிடை மத்து சுழல்அரவம்;
தத்தும் குருவியின் பாதஜதி.

டி.வி. சுவாமிநாதன் அவர்களின் இதர படைப்புகள்.

கவிதை பகுதியில் வந்த இதர படைப்புகள்.

Your Comments

Bharani
3/15/2010 , 4:13:37 AM

[Comment url]

கவிதையை படிக்கும் போதே மனசுக்குள் ஒரு சந்தம் ஓடுகிறது. நல்ல ரசனையான வரிகள். ஆனால் இது போன்ற ஒலி, ஒளிச் சித்திரத்தை எப்போது காண்போமோ, நாங்கள்?

P.Balakrishnan
3/15/2010 , 10:36:10 AM

[Comment url]

கோவில்கள், வயல்வெளிகள், ஆறு, நந்தவனம், தோப்புகள், கால் நடைகள் நிறைந்த ஒரு பேரூரின் பண்டைய கால காலைக் காட்சியைக் கண்முன் நிறுத்தும் மரபுக் கவிதை!

Comment

உங்கள் கருத்து
பெயர் :
மின் அஞ்சல் :
சுட்டி :
Comment In:	Tamil English
(Type here in Thanglish and see tamil text in bottom. Tamil conversion powered by : www.suratha.com) NOTE : Please do not use single quote in your comments. You can use double quote in place.
(English / தமிழில் - யூனிகோட்) What you see in this box gets posted as feedback.

Hot properties in India

ஜோதிடம் கேளுங்கள் பகுதி தற்காலிகமாக நிறுத்தி வைக்கப்பட்டுள்ளது. விரைந்து கட்டண சேவை பெற இங்கே சுட்டவும்.