 மனசாட்சியே இல்லாமல் ரீல் விடுவோர் கூட்டணி (ம.இ.ரீ.வி.கூ)
அப்படியா! சொல்லவேயில்லை!
வடிவேலு : இந்த ஊர்ல சாப்பாடு எங்க விற்கும்?
பார்த்திபன் : இந்த ஊர்ல மட்டுமில்ல.. எல்லா ஊர்லயும் தொண்டைல தான் விக்கும்.
வடிவேலு : டேய்.. நீங்க இன்னும் திருந்தலியா!!****
குருவி பார்த்திருப்பாரோ?
டாக்டர் : இவருக்கு எப்படி இவ்வளவு அடிபட்டுச்சு?
நண்பர் : படம் பார்த்துக்கிட்டு இருக்கும்போது பழக்கதோஷத்துல எந்திரிச்சு வெளியே போயிட்டார்.
டாக்டர் : அதனால அடிபடுமா?!
நண்பர் : இவர் படம் பார்த்தது விமானத்துல ஆச்சே!
****
பீலிங்ஸ் ஆஃப் இந்தியன்ஸ்
ரமேஷ் : என்னைக் கடிச்ச கொசுவைப் பிடிச்சேன். அப்புறம் கொல்லாம பறக்க விட்டுட்டேன்.
சுரேஷ் : ஏண்டா?
ரமேஷ் : பயபுள்ள.. அது உடம்புல(!) இருக்கறது நம்ம ரத்தமாச்சேடா! அந்தப் பாசம்தான்.
****
நீ கொடுத்த புத்தகத்தில்
முதல் பக்கத்தில்
ஒரு கவிதை படித்தேன்
பிறகுதான் சொன்னார்கள்
அது
கவிதையல்ல…
உந்தன் பெயரென்று!
- மனசாட்சியே இல்லாமல் ரீல் விடுவோர் கூட்டணி (ம.இ.ரீ.வி.கூ)
****
எங்க வீட்டுப் பிள்ளையார்!
ரவி : கோயில்ல ஒரு இளைஞன் “பிள்ளையார் மாமா காப்பாத்து”ன்னு வேண்டிக்கிட்டான். அது ஏன்?
சிபி : எதுத்தாப்ல ஒரு வயசுப் பொண்ணு “பிள்ளையார் அப்பா காப்பாத்துப்பா”ன்னு வேண்டிக்கிட்டு இருந்திருப்பா.. அதனால தான்..
****
| 
Copyright Nilacharal Ltd - All Rights Reserved Worldwide