இராசிபலன்கள் (11-3-2013 முதல் 17-3-2013 வரை)

மேஷம் :-

மேஷராசி அன்பர்களே, இந்த வாரம் உங்களுக்கு ராகு நன்மை தரும் கிரகமாகும். வெகு காலமாக காணாமற்போன பொருட்கள் மற்றும் நபர்கள் திரும்ப வீடு வந்து சேர வாய்ப்பு உள்ளது. விவசாயம் செய்பவர்களுக்குப் புதிய முறை விவசாயங்களின் மூலமாக நல்ல விளைச்சல் காணப்படும். உத்தியோகம் பாரப்பவர்களுக்கு உத்தியோக உயர்வுடன் கூடிய பணி மாற்றங்கள் ஏற்படலாம். பங்காளிகளுடன் சேர்ந்து புதிய தொழில் ஆரம்பம் செய்வதற்கான முயற்சிகளில் எதிர்பார்த்த வெற்றி கிடைக்கும். குடும்பத்தில் இதுவரையில் ஏற்பட்டு வந்துள்ள மருத்துவச் செலவுகள் குறையும். பூர்வீகச் சொத்து சம்பந்தமான வழக்கு விஷயங்களில் பெரிய மனிதர்களின் தலையிடுதலால் நல்லதொரு முடிவுக்கு வரும். அண்டை அயல் வீட்டுக்காரர்களுடன் மிகுந்த கவனத்துடன் பேசிப் பழகுதல் நல்லது. பழைய இரும்பு, பழமையான இயந்திரங்கள், இரசாயனம், தரகு, ஏஜன்சி, குத்தகை போன்ற தொழிற்செய்வோர், சாயப் பவுடர் வியாபாரிகள், மீன் முட்டை மாமிசம் போன்ற உணவுப் பொருட்களின் வியாபாரிகள் ஆகியோர் நற்பலன் அடைவீர்கள். வெகு காலமாகப் பிரிந்து போன கணவன் மனைவி இருவரும் ஒன்று சேரும் காலமாகும். புதிய கடன் வாங்கிப் பழைய கடன்களை அடைப்பீர்கள். தீராத நாட்பட்ட நோய்கள் தீர்வதற்காகப் புதிய பெண் மருத்துவர்களின் உதவிகளை நாடுவதன் மூலம் நற்பலன் அடைவீர்கள்.

இராசியான எண் :- 4
இராசியான நிறம் :- கருப்பு
இராசியான திசை :- வடமேற்கு
பரிகாரம் :- பிதுர் மற்றும் அம்மன் வழிபாடு செய்து வரவும்.

ரிஷபம் :-

ரிஷபராசி அன்பர்களே, இந்த வாரம் உங்களுக்கு செவ்வாய் நன்மை கிரகமாகும். கண் காதுகளில் சிற்சில உபாதைகள் வந்து போகலாம். வெளிநாடு சென்று வருதல் போன்ற புதிய முயற்சிகளில் வேற்று மதத்தவரால் ஆதாயம் உண்டாகும். வீடு வாகனங்களைப் பழுது பார்ப்பதன் மூலமாகப் புதிய பொருட்செலவுகள் வந்து சேரலாம். தந்தை வழிச் சொந்த பந்தங்களால் எதிர்பாராத சில ஆதாயங்களை அடைவீர்கள். புதிய நண்பர்களிடம் சற்று எச்சரிக்கையுடன் பேசிப் பழகுதல் நல்லது. விளையாட்டுத் துறை சார்ந்தவர்களுக்குப் பரிசு மற்றும் பாராட்டுக்களைப் பெறுவார்கள். வராத கடன் கொடுத்து இருந்த பணம் மற்றும் பொருட்கள் காவல் துறையினர்களின் உதவியால் திரும்பக் கிடைக்கும். பணப்புழக்கத்தில் இருந்து வந்த நெருக்கடிகள் மாறி நல்ல முன்னேற்றம் காணப்படும். குடும்பத்தில் நடைபெற வேண்டிய சுபகாரிய நிகழ்ச்சிகளுக்காகப் புதிய கடன் வாங்குவீர்கள். நீண்ட காலமாகத் தடைபட்டு வந்துள்ள குல தெய்வ ஆலய வழிபாடுகளைச் செய்து வர வாய்ப்பு உள்ள காலமாகும். பூமி நிலம் சம்பந்தமான தொழில்கள், தங்கம், வெள்ளி போன்ற நகை வியாபாரிகள், நெருப்புத் தொழிற்செய்வோர், காவல்துறை, ராணுவம், தீயணைப்பு போன்ற துறை சார்ந்தவர்கள், கேஸ் வெல்டிங் சம்பந்தமான தொழிற்செய்வோர் ஆகியோர் நற்பலன் அடைவார்கள்.

இராசியான எண் :- 9
இராசியான நிறம் :- சிவப்பு
இராசியான திசை :- தெற்கு
பரிகாரம் :- முருகன் வழிபாடு செய்து வரவும்.

மிதுனம் :-

மிதுனராசி அன்பர்களே, இந்த வாரம் உங்களுக்கு கேது நன்மை தரும் கிரகமாகும். மஹான்களின் எதிர்பாராத தரிசனங்களால் மன நிம்மதி அடைவீர்கள். தீர்த்த யாத்திரை செய்து வருவதற்கான வாய்ப்புகள் உள்ளன. பழைய நண்பர்களின் சந்திப்பால் ஒரு சிலருக்கு ஆதாயம் உண்டாகும். உடம்பில் நரம்பு மற்றும் எலும்பு சம்பந்தமான உபாதைக்ள வந்து போகும். செய்யாத குற்றங்களுக்காக வீண் பழிச் சொல் வர இருப்பதால் எந்த விஷயத்திலும் மிகவும் கவனமுடன் நடந்து கொள்வது நல்லது. வீடு வாகனங்களபை புதுப்பித்தலுக்காகப் புதிய கடன் வாங்குவதற்கு முயற்சிகளைச் செய்வீர்கள். மாணவர்கள் கல்வி மற்றும் விளையாட்டுக்களில் கவனமுடன் இருக்கவும். தோல் சம்பந்தமான பொருட்களை ஏற்றுமதி இறக்குமதி செய்வோர், அணு ஆராய்ச்சித்துறை சார்ந்த விஞ்ஞானிகள், இரசாயனப் பொருட்களின் வியாபாரிகள், பழைய இரும்பு கழிவு பொருள் வியாபாரிகள், நாடகத்துறை சார்ந்தவர்கள், மருத்துவ பரிசோதனைக் கூடங்களை நடத்துபவர்கள் ஆகியோர் நற்பலன் அடைவீர்கள். பிள்ளைகளுக்கு மருத்துவச் செலவுகள் உண்டாகும். தந்தை மகன் உறவுகளில் இது வரையில் இருந்து வந்த கருத்து வேறுபாடுகள் குறைந்து ஒற்றுமையாய் இருப்பார்கள். அண்டை அயலார்களுடன் கவனமாக பேசிப் பழகவும்.

இராசியான எண் :- 7
இராசியான நிறம் :- கருஞ்சிவப்பு
இராசியான திசை :- வடமேற்கு
பரிகாரம் :- கணபதி வழிபாடு செய்து வரவும்.

கடகம் :-

கடகராசி அன்பர்களே, இந்த வாரம் உங்களுக்கு சனி நன்மை தரும் கிரகமாகும். வேலை இல்லாதவர்களுக்குப் புதிய வேலை வாய்ப்புகள் கிடைப்பதற்கு வாய்ப்பு உள்ளது. ரேஸ், லாட்டரி போன்ற விஷயங்களில் ஈடுபடுவோர் மிக கவனமுடன் இருப்பது நல்லது. கணவன் மனைவி உறவுகள் சுமாராகக் காணப்படும். மற்றவர்களிடம் இருந்த எதிர்பார்த்த உதவிகள் கிடைக்கக்கூடிய காலமாகும். பெண் சம்பந்தமான காதல் விஷயங்களில் மிகுந்த கவனமுடன் இருப்பது நல்லது. மற்றவர்களை நம்பிப் புதிய கடன்களைக் கொடுத்து ஏமாற்றம் அடைய வேண்டாம். விட்டுப் போன பழைய உறவுகள் மீண்டும் துலங்கும். உற்றார் உறவினர்களின் எதிர்பாராத திடீர் வரவுகளால் பொருட்செலவுகள் வந்து சேரும். பொருளாதாரத்தில் இருந்து வந்த நெருக்கடிகள் சற்று குறைந்து காணப்படும். சமுதாய வளர்ச்சிக்கான விஷயங்களில் ஈடுபடும்போது எச்சரிக்கையுடன் இருப்பது நல்லது. வாகனங்கள் மற்றும் மின்சார பணிகளில் ஈடுபடுவோர் மிக கவனமுடன் இருக்கவும். இரும்பு, இயந்திரம் இரசாயனம் போன்ற தொழில் செய்வோர், ஆலை அதிபர்கள், எண்ணை வியாபாரிகள், பலசரக்கு கடை நடத்துவோர்கள், பழைய பொருட்களை விற்பனை செய்வோர், இன்சினியரிங் துறை சார்ந்தவர்கள் ஆகியோர் நற்பலன் அடைவீர்கள். பழைய கடன்களை அடைத்து விட்டுப் புதிய கடன் வாங்குவீர்கள்.

இராசியான எண் :- 8
இராசியான நிறம் :- நீலம்
இராசியான திசை :- தென்மேற்கு
பரிகாரம் :- சனீஸ்வர வழிபாடு செய்து வரவும்.

சிம்மம் :-

சிம்மராசி அன்பர்களே, இந்த வாரம் உங்களுக்கு வியாழன் நன்மை தரும் கிரகமாகும். தாயின் உடல் நிலையில் இருந்து வந்த பாதிப்புகள் சற்று குறையும் வேண்டாத விஷயங்களில் தலையிட்டு வீண் பிரச்சினைகளை விலைக்கு வாங்காதீர்கள். குடும்பத்தில் தடைபட்டு வந்த சுபகாரிய நிகழ்ச்சிகள் நடைபெற இன்னும் சற்று கால தாமதம் ஆகலாம். புதிய வீடு மாற்றம் செய்வதற்கான முயற்சிகளில் நண்பர்களின் உதவிகள் கிடைக்கும். சுபகாரிய சம்பந்தமாக வட திசையில் இருந்து நல்ல செய்திகள் வந்து சேரும் காலமாகும். ரேஸ், லாட்டரிபோனற விஷயங்களின் மூலமாகத் திடீர் தன வரவு உண்டாகலாம். இனிப்புப் பொருட்களின் வியாபாரிகள், கம்ப்யூட்டர் தயாரிப்பாளர்கள், பேராசிரியர்கள், பொதுப் பணி செய்வோர், பூஜைப் பொருட்களை ஏற்றுமதி இறக்குமதி செய்வோர் ஆகியோர், ஆலயங்களில் பணி செய்வோர் ஆகியோர் நற்பலன் அடைவீர்கள். வேலை இல்லாத படித்த இளைஞர்களுக்குப் புதிய வேலை வாய்ப்புகள் வந்து சேரும் காலமாகும். பூர்வீகச் சொத்துக்களில் நீண்ட காலமாக இருந்து வந்துள்ள பிரச்சினைகள் தீர்ந்து சொத்துக்கள் கை வந்து சேரும் காலமாகும். புதிய வீடு மற்றும் வாகனங்களை வாங்குவதற்கான முயற்சிகளில் சில பின்னடைவுகள் வந்து சேரும். உடம்பில் வயிறு சம்பந்தமான உபாதைகள் வந்து போகலாம்.

இராசியான எண் :- 3
இராசியான நிறம் :- மஞ்சள்
இராசியான திசை :- வடகிழக்கு
பரிகாரம் :- தட்சிணாமூர்த்தி வழிபாடு செய்து வரவும்.

கன்னி :-

கன்னிராசி அன்பர்களே, இந்த வாரம் உங்களுக்கு சூரியன் நன்மை தரும் கிரகமாகும். திருமணம் போன்ற சுபகாரிய சம்பந்தமான முயற்சிகளில் சில தடைகள் வந்து சேரும். அரசு வழக்கு விஷயங்களில் சாதகமான தீர்ப்புகள் கிடைக்கலாம். நண்பர்களால் வீண் பொருட்செலவுகளும் மன நிம்மதி இன்மையும் ஏற்படலாம். சேர் மார்க்கெட்டில் ஈடு படுவோர்கள் சற்று கவனமுடன் இருக்கவும். உல்லாசப் பயணங்கள் செய்வோர் குழந்தைகளை எச்சரிக்கையுடன் பார்த்துக் கொள்வது நல்லதாகும். நெருப்பு, ஹோட்டல், மின்சாரம் போன்ற துறை சார்ந்தவர்கள், அரசுத்துறை சார்ந்த உயர் பதவி வகிப்பவர்கள் ஆகியோர் நற்பலன் அடைவார்கள். தீராத நாட்பட்ட நோய்கள் தீர்வதற்காகப் புதிய மருத்துவர்களின் உதவிகள் கிடைக்கும். பங்காளியுடன் சேர்ந்த புதிய கூட்டுத் தொழில் செய்வதற்கான முயற்சிகளைச் சற்று தள்ளிப் போடுதல் நல்லது. வேண்டாத விஷயங்களில் தலையிட்டு வீண் வம்புகளை விலைக்கு வாங்காதீர்கள். வெளிநாடு செல்லுதல் போன்ற விஷயங்களில் வேற்று மதத்தவரால் ஆதாயம் அடைவீர்கள். தந்தை மகன் உறவுகளில் இருந்து வந்த கருத்து வேறுபாடுகள் குறைந்து ஒற்றுமையுடன் இருப்பார்கள். குழந்தைகளின் மன மகிழ்ச்சிக்காக உல்லாசப் பயணங்களை மேற்கொள்ளுவீர்கள். வெகு நாட்களாக வராத கடன் கொடுத்துள்ள பணம் திரும்பக் கிடைக்கும்.

இராசியான எண் :- 1
இராசியான நிறம் :- வெள்ளை
இராசியான திசை :- கிழக்கு
பரிகாரம் :- சிவ வழிபாடு செய்து வரவும்.

துலாம் :-

துலாம் ராசி அன்பர்களே, இந்த வாரம் உங்களுக்கு வியாழன் நன்மை தரும் கிரகமாகும். நண்பர்களால் வீண் பிரச்சினைகள் வர இருப்பதால் மிக கவனமுடன் இருக்கவும். உற்றார் உறவினர்களின் வரவுகளால் நன்மை அடைவீர்கள். தீராத நோய்கள் தீருவதற்காக நீண்ட தூரப் பயணங்களை மேற்கொள்ளுவீர்கள். கால்களில் கவனம் தேவை. வங்கி உதவிகளின் மூலம் புதிய வாகனங்களை வாங்குவதற்கு முயற்சிகளைச் செய்வீர்கள். பூ, பழம், பூஜைப் பொருட்கள், கம்ப்யூட்டர் போன்ற பொருட்களை உற்பத்தி விற்பனை செய்வோர், பொதுப்பணித் துறை சார்ந்தவர்கள், ஆலயப்பணி செய்வோர், ஆதரவற்றோர் ஆசிரமங்களை நடத்துபவர்கள், நறுமணப் பொருட்களின் வியாபாரிகள், இனிப்பு சம்பந்தமான சிற்றுண்டி உணவுப் பொருட்களின் வியாபாரிகள் ஆகியோர் நற்பலன் அடைவீர்கள். தாய் உடல் நிலை பாதிப்பால் மருத்துவச் செலவுகள் உண்டாகலாம். வீடு மற்றும் தொழிற்சாலைகளை இட மாற்றம் செய்வதற்கு வாய்ப்புகள் உள்ளன. குல தெய்வ ஆலயத் திருப்பணிகளில் பங்கு கொண்டு மன நிறைவடைவீர்கள். வங்கிகளின் மூலமாக நீண்ட காலமாக எதிர்பார்த்து இருந்த பணம் கிடைக்க இன்னும் சற்று கால தாமதம் ஆகலாம். யாத்திரையின்போது புதிய நபர்களின் சந்திப்பால் சிற்சில காரியங்களை நிறைவேற்றிக் கொள்ளுவீர்கள்.

இராசியான எண் :- 3
இராசியான நிறம் :- மஞ்சள்
இராசியான திசை :- வடகிழக்கு
பரிகாரம் :- சிவ வழிபாடு செய்து வரவும்.

விருச்சிகம் :-

விருச்சிகராசி அன்பர்களே, இந்த வாரம் உங்களுக்கு சந்திரன் நன்மை தரும் கிரகமாகும். நீண்ட காலமாக எதிர்பார்த்து இருந்த புதிய தொழில்களை ஆரம்பம் செய்வதற்காகப் போட்ட திட்டங்களில் வெற்றி பெறுவீர்கள். தாயின் உடல் நிலை பாதிப்புகளால் சிற்சில மருத்துவச் செலவுகள் வந்து சேரும். குல தெய்வ ஆலய வழிபாடு செய்து வருவதற்கான முயற்சிகளில் ஈடுபடுவீர்கள். யாத்திரையின்போது மிகுந்த கவனமுடன் பயணம் செய்வதால் விபத்துக்களை தடுக்கலாம். தண்ணீர்கூல்டிரிங்ஸ், திரவ சம்பந்தமான பொருட்களின் வியாபாரிகள், கடல்வளத் துறை சார்ந்தவர்கள், கப்பல் பணி செய்வோர், உப்பு உர வியாபாரிகள், பூஜைப் பொருட்களின் வியாபாரிகள் ஆகியோர் நற்பலன் அடைவார்கள். காதல் விஷயங்களில் நண்பர்களின் உதவியால் நல்ல செய்திகளைப் பெறுவீர்கள். மாணவரகள் கல்வியில் சில தடைகள் வர இருப்பதால் கவனமுடன் சென்று வரவும். அரசியல்வாதிகளிடம் இருந்து எதிர்பார்த்து இருந்த நல்ல தகவல்கள் வந்து சேரும். யாத்திரையின்போது சம்பந்தம் இல்லாத புதிய பெரிய மனிதர்களின் தொடர்புகள் ஏற்பட்டு அவர்களால் எதிர்பாராத சில ஆதாயங்களை அடைவீர்கள். நீண்ட காலமாக வராத கடன் கொடுத்து இருந்த பணம் மற்றும் பொருட்கள் ஆகியன திரும்பக் கை வந்து சேரும். தொலைதூரப் பயணங்களால் எதிர்பார்த்த காரியம் நிறைவேறும்.

இராசியான எண் :- 2
இராசியான நிறம் :- வெள்ளை
இராசியான திசை :- மேற்கு
பரிகாரம் :- அம்மன் வழிபாடு செய்து வரவும்.

தனுசு :-

தனுசுராசி அன்பர்களே, இந்த வாரம் உங்களுக்கு சுக்கிரன் நன்மை தரும் கிரகமாகும். வேற்றுமதத்தவர்களிடம் இருந்து எதிர்பார்த்திருந்த ஆதாயம் கிடைப்பதற்கு இன்னும் சற்று கால தாமதம் ஆகலாம். குழந்தைகளின் உடல்நிலையில் மிகவும் கவனமுடன் இருக்கவும். பொருளாதாரத்தில் நெருக்கடியான சூழ்நிலை ஏற்பட்டாலும் மிகுந்த சிரமத்தின் பேரில் சரி செய்வீர்கள். கணவன் மனைவி உறவுகளில் இது நாள் வரையில் இருந்து வந்துள்ள கருத்து வேறுபாடுகள் நீங்கி ஒற்றுமையுடன் காணப்படுவார்கள். நிலபுலன்கள் வாங்குவோர் விற்போர்கள், கட்டிட சம்பந்தமான தொழிற்செய்வோர், கார் லாரி போன்ற வாகனத் தொழிற்செய்வோர், கலைத்துறை சார்ந்தவர்கள், சிற்றுண்டி உணவுப் பொருட்கள் மற்றும் நறுமணப் பொருள் வியாபாரிகள, ஆடம்பர அலங்காரப் பொருட்களின் வியாபாரிகள், சினிமா மற்றும் நாடகத்துறை சார்ந்த நடிகர்கள் ஆகியோர் நற்பலன் அடைவீர்கள். கண் மற்றும் காதுகளில் மிக கவனமுடன் இருப்பது நல்லது. குடும்பத்தில் தடைபட்டு வந்த சுபகாரிய நிகழ்ச்சிகளை நடத்துவதற்கான புதிய முயற்சிகளில் ஈடுபட்டு வெற்றி பெறுவீர்கள். மற்றவர்களின் விஷயங்களில் தலையிட்டு மன நிம்மதி இழக்க வேண்டாம். பிள்ளைகளால் சிற்சில தொல்லைகள் ஏற்பட்டாலும் அவர்களால் பெயர், புகழ் அடைவீர்கள்.

இராசியான எண் :- 6
இராசியான நிறம் :- வெள்ளை
இராசியான திசை :- தென்கிழக்கு
பரிகாரம் :- மஹாலட்சுமி வழிபாடு செய்து வரவும்.

மகரம் :-

மகரராசி அன்பர்களே, இந்த வாரம் உங்களுக்கு புதன் நன்மை தரும் கிரகமாகும். கணிதம் எழுத்துத் துறை சார்ந்தவர்கள், அச்சுத் தொழிற்செய்வோர், வழக்கறிஞர்கள், கவிஞர்கள், பாடலாசிரியர்கள், தபால் தந்தித் துறை சார்ந்தவர்கள், புகைப்பட கலைஞர்கள், வங்கிப் பணியாளர்கள் ஆகியோர் நற்பலன் அடைவீர்கள். விளையாட்டுத் துறை சார்ந்தவர்கள் சற்று கவனமுடன் இருப்பது நல்லது. நாட்பட்ட பழைய பிரச்சினைகள் மீண்டும் தலை தூக்குவதன் மூலம் மன நிம்மதிக் குறைவு ஏற்படலாம். ரேஸ், லாட்டரி போன்ற சூதாட்டம் சம்பந்தமான விஷயங்களில் பணம் மற்றும் பொருட்களை ஏமாறாமல் எச்சரிக்கையாக இருப்பது நல்லது. புதிய வீடு நிலங்களை வாங்குவதற்காக வங்கிகளில் இருந்து நீண்ட காலமாக எதிர்பார்த்து இருந்த பணம் கைக்கு வந்து சேரும். உடல் நிலையில் வயிறு மற்றும் மூல சம்பந்தமான உபாதைகள் வந்து போகும். புதிய தொழில் ஆரம்பம் செய்வதற்காக இது வரையில் இருந்த நெருக்கடிகள் மாறி முன்னேற்றமான சூழ்நிலை காணப்படும். நண்பர்கள் வீட்டுச் சுபகாரிய நிகழ்ச்சிகளில் கலந்து கொள்வதற்காக நீண்ட தூரப் பயணங்களை மேற்கொள்ளுவீர்கள். பொருளாதாரத்தில் இருந்து வந்துள்ள நெருக்கடிகள் மாறி சற்று முன்னேற்றமான சூழ்நிலை காணப்படும்.

இராசியான எண் :- 5
இராசியான நிறம் :- பச்சை
இராசியான திசை :- வடக்கு
பரிகாரம் :- மஹாவிஷ்ணு வழிபாடு செய்து வரவும்.

கும்பம் :-

கும்பராசி அன்பர்களே, இந்த வாரம் உங்களுக்கு செவ்வாய் நன்மை தரும் கிரகமாகும். கேட்ட இடத்தில் பணம் கிடைக்க இன்னும் சற்று கால தாமதம் ஆகலாம். அரசு வழக்குகளில் வெற்றி கிடைக்க வாய்ப்பு உள்ளது. அண்டை அயல் வீட்டுக்காரர்களுடன் மிக எச்சரிக்கையாய் பேசி பழகவும். வெகு காலமாக விட்டுப் போன பழைய உறவினர்களுடன் தொடர்புகள் ஏற்படும். காதல் விஷயங்களில் எதிர்பார்த்து இருந்த நல்ல செய்திகள் வந்து சேரும். வெளிநாடு சென்று வருவதற்கான முயற்சிகளில் சம்பந்தம் இல்லாத நபர்களின் உதவிகள் கிடைக்கும். அரசியல்வாதிகளுக்கு நல்ல ஆதாயம் பெறக் கூடிய காலமாகும். மின்சாரம், நெருப்பு சம்பந்தமான பொருட்களின் வியாபாரிகள், காவல் துறை சார்ந்தவர்கள், தீயணைப்பு நிலையத்தவர்கள், விளையாட்டுத் துறையைச் சேர்ந்தவர்கள், ஹோட்டல் தொழிற்செய்வோர், கேஸ் மற்றும் வெல்டிங் சம்பந்தமான பொருட்களின் வியாபாரிகள் ஆகியோர் நற்பலன் அடைவீர்கள். யாத்திரையின்போது மிக கவனமுடன் பயணம் செய்து வருவது நல்லது. சகோதர சகோதரிகளின் சுபகாரிய நிகழ்ச்சிகளுக்காகப் புதிய கடன்கள் வாங்குவதற்கு முயற்சிப்பீர்கள். உடல் நிலையில் முதுகு, மூலம் போன்ற தொல்லைகள் வந்து போகும். காணாமற்போன பொருட்கள் காவல் துறையினர்களின் உதவியால் திரும்பக் கிடைக்கும்.

இராசியான எண் :- 9
இராசியான நிறம் :- சிவப்பு
இராசியான திசை :- தெற்கு
பரிகாரம் :- துர்க்கை வழிபாடு செய்து வரவும்.

மீனம் :-

மீனராசி அன்பர்களே, இந்த வாரம் உங்களுக்கு சுக்கிரன் நன்மை தரும் கிரகமாகும். உற்றார் உறவினர்களின் எதிர்பாராத வரவுகளால் பொருட்செலவுகள் ஏற்பட்டாலும் அவர்களால் சில ஆதாயங்களை அடைவீர்கள். நீண்ட காலமாக வராமல் இருந்த பணம் மற்றும் பொருட்கள் மிகுந்த சிரமத்தின் பேரில் வந்து சேரும் காலமாகும். குல தெய்வ ஆலயங்களை திருத்திக் கட்டுவதற்கான முயற்சிகளில் ஈடுபட்டு நற்பெயர் எடுப்பீர்கள். கலைத்துறை சார்ந்த நடிகர் நடிகைகள், கலைக் கல்லூரியைச் சார்ந்த பேராசிரியர்கள் மற்றும் இவற்றில் கல்வி பயிலும் மாணவர்கள், கட்டிட சம்பந்தமான கல் மணல் சிமிண்ட் செங்கல் போன்ற வியாபாரிகள் ஆகியோர் நற்பலன்களை அடைவீர்கள். மாணவர்களுக்கு கல்வியில் எதிர்பாராத சில தடைகள் வந்து போக வாய்ப்பு உள்ளதால் மிக எச்சரிக்கையுடன் பயின்று வருதல் நல்லது. கணவன் மனைவி உறவுகளில் காரணமற்ற சச்சரவுகள் வந்து நீங்கும். மஹான்களின் எதிர்பாராத தரிசனங்களால் மன நிம்மதி அடைவீர்கள். வீடு மற்றும் வாகனங்களைப் பழுது பார்ப்பதன் மூலமாகப் புதிய செலவகள் வந்து சேரும். நறுமணப் பொருட்களின் வியாபாரிகள், ஆதரவற்றோர் ஆசிரமங்களை நடத்துவோர்கள். நீண்ட காலமாகப் பிரச்சினைகளில் இருந்து வந்த பூர்வீகச் சொத்துக்கள் பெரிய மனிதர்களின் தலையிடுதலால் கைக்கு வந்து சேரும். நீண்டதூர பயணங்களின் மூலம் எதிர்பார்த்திருந்த காரியங்கள் நிறைவேறுதற்கு வாய்ப்புகள் உள்ளன.

இராசியான எண் :- 6
இராசியான நிறம் :- வெள்ளை
இராசியான திசை :- தென்கிழக்கு
பரிகாரம் :- மஹாலட்சுமி வழிபாடு செய்து வரவும்.

*****************

Gnanayohi Dr. P.Esakki, I.B.A.M., R.M.P., D.I.S.M
18(25B/1), Pulavar Street
Krishnapuram
Kadayanallur – 627 759
Tirunelveli District, Tamil Nadu, India
Phone : 04633-243029
Mobile : 98425-10578, 98425-29691
Fax : 04633-240390
Website : www.gnanayohi.com 

About The Author