மேஷம் :-
மேஷராசி அன்பர்களே, இந்த வாரம் உங்களுக்கு புதன் நன்மை தரும் கிரகமாகும். ரேஸ் லாட்டரி போன்ற விஷயங்களில் பணம் மற்றும் பொருட்களை ஏமாற வாய்ப்புகள் உள்ளதால் மிகுந்த எச்சரிக்கையுடன் இருத்தல் நல்லது. உறவினர்களின் வரவுகளால் எதிர்பாராத பணச் செலவுகள் ஏற்படலாம். உத்தியோகம் இல்லாத படித்த இளைஞர்களுக்கு புதிய வேலை வாய்ப்புகள் கிடைக்கக் கூடிய காலமாகும். ஆலய வழிபாடுகளுக்காக நீண்ட தூரப் பயணங்களை மேற்கொள்வதன் மூலம் மன நிம்மதி அடைவீர்கள். வெளிநாடு சென்று வருதல் போன்ற முயற்சிகளில் நல்ல பலன்கள் கிடைக்கும். உடம்பில் தலைவலி, முதுகுவலி போன்ற உபாதைகள் வந்து போகலாம். கணவன் மனைவி உறவுகளில் இன்னும் சற்று பிரச்னைகள் வந்து போகலாம். வெகுகாலமாக விட்டு போன பழைய உறவுகள் மீண்டும் தொடரும் காலமாகும். பொருளாதாரத்தில் இது நாள் வரை இருந்து வந்த நெருக்கடிகள் மாறி பணப் புழக்கம் நன்றாக இருக்கும். ஜவுளி நூல் வியாபாரிகள், நோட்டு புத்தகம் போன்ற ஸ்டேசனரி பொருட்கள் விற்பனை மற்றும் உற்பத்தி செய்வோர்கள், தபால் தந்தித் துறைகளைச் சார்ந்தவர்கள் கவிஞர்கள், எழுத்தாளர்கள் பாடலாசிரியர்கள், பத்திரிக்கைத்துறை சார்ந்தவர்கள், மருந்து பொருட்களின் வியாபாரிகள், மருத்துவர்கள் ஆகியோர் நல்ல லாபம் அடைவார்கள்.
இராசியான எண் :- 5
இராசியான நிறம் :- பச்சை
இராசியான திசை :- வடக்கு
பரிகாரம் :- புதன் கிழமையில் மஹாவிஷ்ணு ஆலய வழிபாடு செய்து வரவும்.
ரிஷபம் :-
ரிஷபராசி அன்பர்களே, இந்த வாரம் உங்களுக்கு செவ்வாய் நன்மை தரும் கிரகமாகும். திருமணம் போன்ற சுப காரிய நகழ்ச்சிகளுக்கான முயற்சிகளைச் சற்று தள்ளிப் போடுதல் நல்லது. மாணவர்கள் கல்வியில் கல்வி பயிலும் இடங்களில் சிற்சில சச்சரவுகள் வர இருப்பதால் மிகுந்த கவனமுடன் கல்வி பயிலுதல் சிறந்ததாகும். சூதாட்டம் ஆகிய ரேஸ் லாட்டரி மூலமாக பணம் கிடைக்கலாம் எனக் கருதி ஏமாற்றம் அடைய வேண்டாம். பழைய வீடு மற்றும் வாகனங்களைப் புதுப்பித்தலுக்கான முயற்சிகளில் ஈடுபடுவீர்கள். தங்கம் வெள்ளி போன்ற உலோகப் பொருள் வியாபாரிகள், நெருப்பு ராணுவம், காவல் துறை சார்ந்தவர்கள், பூமி சம்பந்தமான நிலபுலன்களை வாங்குவோர் விற்போர், ஹோட்டல் தொழிற் செய்வோர்கள் ஆகியோர் நற்பலன் அடைவார்கள். நாற்பட்ட அரசு சம்பந்தமான வழக்கு விஷயங்களில் சம்பந்தம் இல்லாத நபர்களின் உதவியால் வெற்றி பெறுவீர்கள். உடல் நிலையில் சுரம் மற்றும் உஷ்ண சம்பந்தமான உபாதைகள் வந்து போகலாம். அண்டை அயல் வீட்டுக்காரர்களுடன் மிகவும் கவனமாகப் பேசிப் பழகுதல் நல்லதாகும். வேற்று மதத்தவரால் எதிர்பார்த்திருந்த ஆதாயம் கிடைப்பதற்கு இன்னும் சற்று கால தாமதம் ஆகலாம். பெண்களால் வட திசையில் இருந்து பொருள் வரவுகள் உண்டாகும். .
இராசியான எண் :- 9
இராசியான நிறம் :- சிகப்பு
இராசியான திசை :- தெற்கு
பரிகாரம் :- செவ்வாய் கிழமையில் துர்க்கை ஆலய வழிபாடு செய்து வரவும்.
மிதுனம் :-
மிதுனராசி அன்பர்களே, இந்த வாரம் உங்களுக்கு சந்திரன் நன்மை தரும் கிரகமாகும்.. புதிய வீடு மற்றும் நில புலன்களை வாங்குவதற்கான முயற்சிகளில் வெற்றி பெறலாம். தீராத நாட்பட்ட நோய்கள் தீருவதற்கான புதிய முயற்சிகளில் நல்ல பலன் கிடைக்கும். பங்காளிகளுடன் செய்தொழில் விஷயங்களில் சற்று பொறுமையுடன் நடந்து கொள்வது நல்லது. யாத்திரையில் பெரிய மனிதர்கள், அரசியல்வாதிகள் மற்றும் உயரதிகாரிகளின் சந்திப்புகளால் நன்மை அடைவீர்கள். உடல் நிலையில் கண் காதுகளில் கவனமுடன் இருந்து வரவும். தந்தை மகன் உறவுகளில் வெகு காலமாக இருந்து வந்த பிரச்சனைகள் குறைந்து மன நிம்மதிஅடைவீர்கள். கணவன் மனைவி உறவுகள் சுமாராகக் காணப்படும். குடும்பத்தில் மன அமைதியுடன் சந்தோசம் நிலவும் காலமாகும். குல தெய்வ ஆலய வழிபாடுகளைச் செய்து வர எடுத்துக் கொண்ட முயற்சிகளில் வெற்றி பெறுவீர்கள். நாற்பட்ட விசா சம்பந்தமான பிரச்சனைகள் தீர்ந்து மன நிம்மதி பெறுவதற்கான வாய்ப்புகள் உள்ளது. பூஜைப் பொருட்கள், நீர்வளத் துறை சார்ந்தவர்கள், தண்ணீர் மற்றும் திரவ சம்பந்தமான பொருட்களின் வியாபாரிகள், ஆலயப் பணி செய்வோர்கள, கடல்வளத் துறை சார்ந்தவர்கள் ஆகியோர் நற்பலனகளை அடைவார்கள். பொது நலத் தொண்டுகளில் ஈடுபடுவோர் மிகுந்த கவனமுடன் இருப்பது நல்லது.
இராசியான எண் :- 2
இராசியான நிறம் :- வெள்ளை
இராசியான திசை :- மேற்கு
பரிகாரம் :- திங்கள் கிழமையில் அம்மன் ஆலய வழிபாடு செய்து வரவும்.
கடகம் :-
கடகராசி அன்பர்களே, இந்த வாரம் உங்களுக்கு ராகு நன்மை தரும் கிரகமாகும். பழைய வாகனங்களை விற்றுப் புதிய வாகனங்கள் வாங்கக் கூடிய காலமாகும். அரசியல்வாதிகளுக்கு எதிர்பாராத ஆதாயங்கள் வந்து சேரும். செய்தொழிலில் வங்கிகளின் மூலமாகப் புதிய கடன்கள் வாங்குவதற்கான முயற்சிகளில் சிறிது காலதாமதம் ஆகலாம். பழைய இரும்புகள், யந்திரம், இரசாயனம் போன்ற தொழிற்சாலைகளில் பணி செய்வோர்கள், இவற்றை வாங்குவோர்கள், விற்பனை செய்வோர்கள், மீன், முட்டை, இறைச்சி போன்ற உணவுப் பொருள் வியாபாரிகள், அணு ஆராய்ச்சி துறை சார்ந்தவர்கள், கழிவுப் பொருட்களை ஏற்றுமதி மற்றும் இறக்குமதி செய்யும் வியாபாரிகள் ஆகியோர் நற்பலன் அடைவீர்கள். நாற்பட்ட பழைய வழக்குகளில் சாதகமான நல்ல தீர்ப்புகள் கிடைக்க வாய்ப்பு உள்ளது. மற்றவர்களின் விஷயங்களில் அநாவசியமாகத் தலையிட்டு வீண் பிரச்சனைகளை விலைக்கு வாங்காதீர்கள். சகோதரர்களில் வீட்டுச் சுப காரிய நிகழ்ச்சிகளில் பங்கு கொண்டு மன மகிழ்ச்சி அடைவீர்கள். புதிய வீடு வாகனங்களை வாங்குவதற்கான முயற்சிகளில் இன்னும் சிறிது கால தாமதம் ஏற்படலாம். உத்தியோகத்துறையினருக்கு நினைத்த இடங்களில் பணி இட மாற்றமும் பதவி உயர்வுகளும் உண்டாகும். புதிய ஆடை மற்றும் ஆபரணங்களை வாங்க எண்ணிய எண்ணங்கள் நிறைவேறும்.
இராசியான எண் :- 4
இராசியான நிறம் :- கருப்பு
இராசியான திசை :- வடமேற்கு
பரிகாரம் :- ஞயிற்றுக் கிழமையில் பிதுர்க்கள் மற்றும் காளி போன்ற அம்மன் ஆலய வழிபாடு செய்து வரவும்.
சிம்மம் :-
சிம்மராசி அன்பர்களே, இந்த வாரம் உங்களுக்கு வியாழன் நன்மை தரும் கிரகமாகும். மாமன் வழியின் மூலமாக எதிர்பாராத சில ஆதாயங்களை அடைவீர்கள். காய்கறிகள், இலை, பூ, பழம் போன்ற பொருட்களை உற்பத்தி விற்பனை செய்வோர்கள், அரசுத்துறை சார்ந்த வழக்கறிஞர்கள், ஆசிரியர் பணி செய்வோர்கள், அறநிலையத் துறைகளைச் சார்ந்தவர்கள், குழந்தைகள் காப்பகங்களை நடத்துபவர்கள் ஆகியோர் நல்ல பலனை அடைவார்கள். நண்பர்களிடம் இருந்து எதிர்பார்த்து இருந்த பண உதவிகள் கிடைக்கும். சமுதாய நல்லிணக்கத்திற்கான முயற்சிகளில் பெயர், புகழ் ஏற்பட்டு அதனால் மன மகிழ்ச்சி அடையும் காலமாகும். தாயின் உடல் நிலையில் இருந்து வந்த பாதிப்புகள் வெகுவாகக் குறைவதன் மூலம் மருத்துவச் செலவுகள் குறைய வாய்ப்பு உள்ளது. நீண்ட காலமாகத் தகவல் இல்லாத காதல் பிரச்சனைகளுக்கு நல்ல முடிவுகள் கிடைக்கும். மாணவர்களுக்கு கல்வியில் பரிசுகள் மற்றும் பாராட்டுகளுடன் நல்ல மதிப்பெண்களையும் பெறுவார்கள். வெளிநாடு சென்று வருவதற்கான முயற்சிகளில் மற்றவர்களிடம் இருந்து எதிர்பார்த்து இருந்த உதவிகள் கிடைக்கும். புதிய நண்பர்களின் சேர்க்கையால் வீண் பிரச்சினைகளும் மனக் குழப்பங்களும் வர இருப்பதால் கவனமுடன் இருக்கவும். உற்றார் உறவினர்களின் திடீர் வரவால் மன மகிழ்ச்சியும் பொருள் வரவும் உண்டாகும்.
இராசியான எண் :- 3
இராசியான நிறம் :- மஞ்சள்
இராசியான திசை :- வடகிழக்கு
பரிகாரம் :- வியாழக் கிழமையில் தட்சிணாமூர்த்தி ஆலய வழிபாடு செய்து வரவும்.
கன்னி :-
கன்னிராசி அன்பர்களே, இந்த வாரம் உங்களுக்கு சூரியன் நன்மை தரும் கிரகமாகும். கணவன் மனைவி உறவுகள் சுமாராகக் காணப்படும். நீண்ட தூரப் பயணங்களைத் தள்ளிப் போடுதல் நல்லது. பெண்களால் தென் திசையில் இருந்து நல்ல செய்திகளுடன் பொருள் வரவுகள் உண்டாலாம். யாத்திரையின் போது மிக கவனமுடன் சென்று வருதல் நல்லது. வங்கிகளின் மூலம் எதிர்பார்த்து இருந்த பணம் கை வந்து சேரும். காதல் விஷயங்களில் நல்ல செய்திகள் வந்து சேரும். பொருளாதாரம் சற்று சுமாராகவே இருப்தால் புதிய கடன்களை வாங்க முயற்சி செய்வீர்கள். யாத்திரையின் போது சம்பந்தம் இல்லாத நபர்களால் சில காரியங்களை நிறைவேற்ற எடுத்துக் கொண்ட முயற்சிகளில் வெற்றி அடைவீர்கள். பங்கு வர்த்தகம், அரசு உயர் பதவிகள் வகிப்பவர்கள், நெருப்புத் தொழிற் செய்வோர்கள், ஜவுளி நூல் வியாபாரிகள், மருத்துவத் துறைகளைச் சார்ந்தவர்கள், மருந்து வியாபாரம் செய்வோர்கள் ஆகியோர் நற்பலன் அடைவார்கள். விசா பிரச்சனைகள் தீருவதற்காகப் புதிய பொருட்செலவுகள் செய்து காரியத்தை நிறைவேற்றுவீர்கள். சொத்து சம்பந்தமான வழக்கு விஷயங்களில் பெரியவர்களின் உதவியால் நல்ல தீர்ப்புகள் கிடைக்கும். பிள்ளைகளால் தொல்லைகள் ஏற்படுவதுடன் பொருட்செலவுகளும் ஏற்படலாம். குல தெய்வ ஆலய வழிபாடுகளைச் செய்வதற்கான முயற்சிகளில் ஈடுபடுவீர்கள்.
இராசியான எண் :- 1
இராசியான நிறம் :- வெள்ளை
இராசியான திசை :- கிழக்கு
பரிகாரம் :- ஞயிற்றுக் கிழமையில் சிவ ஆலய வழிபாடு செய்து வரவும்.
துலாம் :-
துலாம்ராசி அன்பர்களே, இந்த வாரம் உங்களுக்கு சுக்கிரன் நன்மை தரும் கிரகமாகும். வங்கிப் பணியாளர்கள், வட்டித் தொழிற்செய்வோர்கள், ஆடம்பர அலங்காரப் பொருட்களின் வியாபாரிகள், திருமணத் தகவல் மையம் நடத்துபவர்கள், அழகுக் கலைக்கூடங்கள் நடத்துபவர்கள், சினிமா நாடகம் போன்ற துறையைச் சார்ந்தவர்கள், எழுத்துப் பணி ஆற்றுபவர்கள் ஆகியோர், கட்டிட சம்பந்தமான பொருட்களை விற்பனை செய்வோர்கள் ஆகியோர் நற்பலன்களை அடைவார்கள். வெகு காலமாகக் காணாமற்போன பொருட்கள் மற்றும் நபர்கள் திரும்ப வீடு வந்து சேர வாய்ப்பு உள்ளது. சகோதர சகோதரர்களின் திருமணம் போன்ற சுப காரிய நிகழ்ச்சிகளுக்காகப் புதிய கடன்களை வாங்குவீர்கள். ஒரு சிலருக்குப் புதிய வீடு மாற்றம் ஏற்படலாம். மஹான்களின் தரிசனங்களால் பிரச்சனைகள் குறைந்து மன நிம்மதி அடையும் காலமாகும். யாத்திரையின் போது மிகுந்த கவனமுடன் சென்று வருதல் சிறந்ததாகும். விடுபட்டுப் போன பழைய வழக்குகள் மீண்டும் தொடரும் காலமாகும். புதிய முயற்சிகளில் மற்றவர்களை நம்பிப் பணம் கொடுத்து ஏமாற்றம் அடைய வேண்டாம். குடும்பச் சொத்துக்களில் இருந்து வந்த பிரச்சனைகள் இன்னும் சிறிது காலம் நீடிக்கும். வீடு மற்றும் வாகனங்களைப் பழுது பார்த்தல் மூலம் புதிய கடன்கள் ஏற்படலாம். .
இராசியான எண் :- 6
இராசியான நிறம் :- வெள்ளை
இராசியான திசை :- தென்கிழக்கு
பரிகாரம் :- வெள்ளிக் கிழமையில் மஹாலட்சுமி ஆலய வழிபாடு செய்து வரவும்.
விருச்சிகம் :-
விருச்சிகராசி அன்பர்களே, இந்த வாரம் உங்களுக்கு சுக்கிரன் நன்மை தரும் கிரகமாகும். உடம்பில் வாயு மற்றும் சுரம் போன்ற உபாதைகள் வந்து போகும். யாத்திரையின்போது வாகனங்களில் மிகுந்த கவனமுடன் பயணம் செய்து வரவும். மற்றவர்களை நம்பி பணம் மற்றும் பொருட்களை கடன் கொடுத்து ஏமாற்றம் அடைய வேண்டாம். கணவன் மனைவி உறவுகளுக்குள் சிறிய பிரச்சனைகளுக்காக வீண் மனக் கசப்புகள் வந்து சேரும். அரசியல்வாதிகளிடம் இருந்து எதிர்பார்த்த காரியங்கள் நிறைவேறும் காலமாகும். வீட்டைத் திருத்திக் கட்டி அலங்காரம் செய்வதில் மிகுந்த கவனம் செலுத்துவீர்கள். பழைய கடன்களை அடைத்து விட்டுப் புதிய கடன் வாங்குவீர்கள். கலை கல்லூரிகளில் பயிலும் மாணவர்கள், இவற்றில் பணிபுரியும் ஆசிரியர்கள், சினிமா மற்றும் நாடகத்துறை சார்ந்தவர்கள், சிற்றுண்டித் தின் பண்ட வியாபாரிகள், அலங்காரப் பொருள் வியாபாரிகள், திருமணத் தகவல் நிலையத்தவர்கள், நறுமணப் பொருட்களை விற்பனை செய்யும் வியாபாரிகள், வாகன ஓட்டுனர்கள் ஆகியோர் நற்பலன் அடைவார்கள். அண்டை அயல் வீட்டுக்காரர்களுடன் மிகவும் கவனமாகப் பேசிப் பழகுதல் நல்லது. தீர்த்த யாத்திரைகள் சென்று வருவதற்கான முயற்சிகளில் சற்று பின்னடைவுகள் ஏற்பட்டு விலகும். உத்தியோகத் துறையினர்கள் தங்களது மேலதிகாரிகளுடன் முன்கோபத்தைத் தவிர்த்து பணி ஆற்றுதல் நல்லது. .
இராசியான எண் :- 6
இராசியான நிறம் :- வெள்ளை
இராசியான திசை :- தென்கிழக்கு
பரிகாரம் :- வெள்ளிக் கிழமையில் மஹலட்சுமி வழிபாடு செய்து வரவும்.
தனுசு :-
தனுசுராசி அன்பர்களே, இந்த வாரம் உங்களுக்கு வியாழன் நன்மை தரும் கிரகமாகும். கணவன் மனைவி உறவுகள் நன்றாக இருக்கும். வண்டி வாகனங்களில் மிகுந்த கவனமுடன் யாத்தரை செய்வது நன்று. வெளிநாட்டில் வசிப்பவர்கள் தாய்நாடு சென்று வர வாய்ப்பு உள்ள காலமாகும். தாயின் உடல் நிலையில் பாதிப்புகள் ஏற்பட்டு அவர்களால் மருத்துவச் செலவுகள் ஏற்படலாம். நணபர்கள் உறவினர்களின் வீட்டுச் சுப காரிய நிகழ்ச்சிகளில் கலந்து கொண்டு மன மகிழ்ச்சி அடைவீர்கள். பூர்வீகச் சொத்துக்களில் இருந்து வந்து பிரச்சனைகள் தீர்ந்து சொத்துகள் வந்து சேரும். கம்ப்யூட்டர், மின்சாரம் போன்றவற்றில் பணி செய்வோர்கள், ஆதரவற்றோர் ஆசிரமங்கள் நடத்துபவர்கள் ஆகியோர்கள் நற்பலன் அடைவார்கள். நீண்ட தூரப் பயணங்களின் மூலம் எதிர்பார்த்த காரியங்கள் நிறைவேறும் காலமாகும். வேலை இல்லாதவர்களுக்குப் புதிய வேலை வாய்ப்புகள் வந்து சேர வாய்ப்பு உள்ள காலமாகும். சமுதாய முன்னேற்றம் மற்றும் பொது நலத் தொண்டுகளில் ஈடுபட்டு நற்பெயர் புகழ் அடைவீர்கள். நீண்ட காலமாக வராமல் இருந்த கடன் கொடுத்த பணம் பொருட்கள் திரும்பக் கைக்கு வந்து சேரும். பங்காளிகளுடன் சேர்ந்து நடத்தும் கூட்டுத் தொழிலில் காரணமற்ற பிரச்சனைகள் உருவாக இருப்பதால் கவனமுடன் இருத்தல் நல்லதாகும்.
இராசியான எண் :- 1
இராசியான நிறம் :- வெள்ளை
இராசியான திசை :- கிழக்கு
பரிகாரம் :- ஞயிற்றுக் கிழமையில் சிவ ஆலய வழிபாடு செய்து வரவும்.
மகரம் :-
மகரராசி அன்பர்களே, இந்த வாரம் உங்களுக்கு சனி நன்மை நன்மை தரும் கிரகமாகும். விட்டுப் போன பழைய பிரச்சனைகளால் மீண்டும் தொல்லைகள் வந்து நீங்கும். தங்கம் வெள்ளி போன்ற நகை வியாபாரிகள், ஆலயப் பணி செய்வோர்கள், இன்சினியரிங், கம்ப்யூட்டர் போன்ற துறை சார்ந்தவர்கள், பலசரக்கு மற்றும் எண்ணை வியாபாரிகள் ஆகியோர் நற்பலன் அடைவார்கள். வெளிநாட்டு விஷயங்களில் எதிர்பார்த்த நபர்களிடம் இருந்து நல்ல தகவல்கள் வந்து சேரும். ஆலயத் தொண்டுகளிலும், பொதுநல சேவைகளிலும் பிரியமுடன் ஈடுபட்டு நற்பெயர் எடுப்பீர்கள். குல தெய்வ ஆலய வழிபாடு செய்து வர எடுத்துக் கொண்ட முயற்சிகள் நிறைவேறும். நண்பர்களால் பொருள் நஷ்டமும் மன சஞ்சலமும் ஏற்படலாம். நாற்பட்ட சொத்து சம்பந்தமான வழக்கு விஷயங்களில் மிகுந்த எச்சரிக்கையுடன் இருக்கவும். செய்தொழிலில் பங்காளிகளுடன் இருந்த மன சஞ்சலங்கள் தீர்ந்து நிம்மதி அடைவீர்கள். தாய்வழி மாமன் மூலம் சில பிரச்சனைகள் வந்து சேரும். ஒரு சிலருக்கு ரேஸ் லாட்டரி போன்றவற்றின் மூலமாகப் பண வரவுகள் வந்து சேரலாம். யாத்திரைகளால் ஆதாயம் இல்லை. பெண்கள் விஷயத்தில் அவப்பெயர்கள் ஏற்பட வாய்ப்பிருப்பதால் கவனமுடன் இருத்தல் நல்லது. உத்தியோகம் பார்ப்பவர்களுக்கு மேலதிகாரிகளுடன் மனக் கசப்புகளும் அவர்களால் பணி இட மாற்றமும் ஏற்படலாம்.
இராசியான எண் :- 8
இராசியான நிறம் :- நீலம்
இராசியான திசை :- தென்மேற்கு
பரிகாரம் :- சனிக்கிழமையில் ஆஞ்சனேயர் வழிபாடு செய்து வரவும்.
கும்பம் :-
கும்பராசி அன்பர்களே, இந்த வாரம் உங்களுக்கு சனி நன்மை தரும் கிரகமாகும். இரும்பு, எண்ணை, பலசரக்கு போன்ற பொருட்களை உற்பத்தி விற்பனைகளை செய்வோர்கள், பெட்ரோல், டீசல் வியாபாரிகள், பழைய பொருட்களை வாங்கி விற்போர்கள், அலுவலக உதவிப் பணிகளைச் செய்வோர்கள் ஆகியோர் நற்பலன் அடைவார்கள். வெகு தூரப் பயணங்களால் எதிர்பார்த்த காரியங்கள் நிறைவேறும் காலமாகும். காதல் விஷயத்தில் மிகுந்த எச்சரிக்கையுடன் இருப்பது நன்றாகும். வீட்டைத் திருத்திக் கட்டுவதில் கவனம் செலுத்துவீர்கள். குழந்தைகளின் மன மகிழ்ச்சிக்காக நீண்ட தூர உல்லாசப் பயணங்களை மேற்கோண்டு மகிழ்ச்சி அடைவீர்கள். காணாமற்போன பொருட்கள் காவல் துறையினரின் உதவிகளால் திரும்பக் கிடைக்கும். தந்தையின் உடல் நிலையில் இருந்து வந்த பாதிப்புகள் சற்று குறையும். புதிய கடன்களை வாங்கிப் பழைய கடன்களை அடைப்பீர்கள். விவசாயம் செய்வோர்கள் மிகுந்த கவனமுடன் இருப்பது நல்லது. வெளிநாட்டில் வசிப்பவர்கள் தாய்நாடு சென்று வருவார்கள். தந்தை வழிப் பூர்வீகச் சொத்துக்கள் கைக்கு வந்து சேரும். உடம்பில் வாயு வயிறு போன்ற உபாதைகள் வந்து போகலாம். புதிய கடன் கொடுப்பதைத் தவிர்க்கவும். கணவன் மனைவி உறவுகளில் காரணமற்ற வீண் பிரச்சனைகள் உருவாகி மனக் கசப்புகள் ஏற்படலாம். .
இராசியான எண் :- 8
இராசியான நிறம் :- நீலம்
இராசியான திசை :- தென்மேற்கு
பரிகாரம்:சனிக் கிழமையில் ஐயப்பன் ஆலய வழிபாடு செய்து வரவும்.
மீனம் :-
மீனராசி அன்பர்களே, இந்த வாரம் உங்களுக்கு கேது நன்மை தரும் கிரகமாகும். மாணவர்களுக்கு கல்வி பயிலும் இடங்களில் அவப்பெயர்கள் வர இருப்பதால் எச்சரிக்கையுடன் கல்வி பயிலுதல் நல்லது. வீடு மற்றும் தொழிற்சாலைகளைப் புதிய இடங்களுக்கு மாற்றுவதற்கான வாய்ப்புகள் உள்ளது. வேண்டாத விஷயங்களில் தலையிட்டு வீண் சிக்கல்களில் மாட்டிக் கொண்டு மன நிம்மதியை இழக்காதீர்கள். தீராத நாற்பட்ட நோய்கள் தீர புதிய முயற்சிகளை மேற்கொள்ளுவீர்கள். உடம்பில் கண் காதுகளில் சிற்சில உபாதைகள் வந்து போகும். வராத நாட்பட்ட கடன் கொடுத்து இருந்த பணம் மற்றவர்களின் தலையிடுதலால் திரும்பக் கிடைக்கும். புதிய நண்பர்களின் சேர்க்கையால் மன மகிழ்ச்சி அடைவீர்கள். தந்தை மகன் உறவில் பிரச்சனைகள் வர வாய்ப்பு இருப்பதால் கவனமுடன் இருத்தல் நல்லதாகும். இரசாயனத் தெழிற்சாலைகளில் பணி செய்வோர்கள், மத போதகர்கள், மீன் முட்டை மாமிச உணவுகளை விற்பனை செய்யும் வியாபாரிகள் ஆகியோர் நற்பலன் அடைவார்கள். யாத்திரையில் கவனமுடன் பயணம் செய்து வரவும். உறவினர்களின் திடீர் வரவுகளால் மன தைரியமும் பொருள் வரவும் உண்டாகலாம். சகோதர சகோதரிகளுடன் வீண் மன சஞ்சலங்களும் பிரச்சனைகளும் உருவாகும். புதிய வீடு நிலம் வாங்குவதற்காக வங்கிகள் மூலமாக எதிர்பார்த்து இருந்த உதவித் தொகைகள் கிடைக்கும். .
இராசியான எண் :- 7
இராசியான நிறம் :- கருஞ்சிகப்பு
இராசியான திசை :- வடமேற்கு
பரிகாரம் :- திங்கள் கிழமையில் விநாயகர் ஆலய வழிபாடு செய்து வரவும்.
*****************
Gnanayohi Dr. P.Esakki, I.B.A.M., R.M.P., D.I.S.M
18(25B/1), Pulavar Street
Krishnapuram
Kadayanallur – 627 759
Tirunelveli District, Tamil Nadu, India
Phone : 04633-243029
Mobile : 98425-10578, 98425-29691
Fax : 04633-240390
Website : www.gnanayohi.com
“
