மேஷம் :-
மேஷராசி அன்பர்களே, இந்தவாரம் உங்களுக்கு சனி நன்மை தரும் கிரகமாகும். கூட்டுத் தொழிலில் பங்காளிகளுடன் காரணமற்ற மனக் கசப்புகள் வந்து தீரும். மாணவர்கள் கல்வியில் நல்ல மதிப்பெண்களையும், பாராட்டுதல்களை பெறுவார்கள். சொத்து சம்பந்தமான விஷயங்களில் இருந்து வந்துள்ள பிரச்சனகள் பெரிய மனிதர்களின் தலையிடுதலால் சாதகமான நல்ல முடிவுகள் கிடைக்கும். அரசியல்வாதிகளிடம் இருந்து நீண்ட நாட்களாக எதிர்பார்த்து வந்த உதவிகள் கிடைக்கும். பழைய பொருட்கள், கமிசன் மற்றும் ஏஜன்சி போன்ற தொழிற்செய்வோர், பழைய இரும்பு. தகரம் போன்றவற்றை விற்பனை செய்வோர், மீன் முட்டை மாமிச உணவுகள், வியாபாரிகள் ஆகியோர் நற்பலன் அடைவார்கள். கணவன் மனைவி உறவுகளில் சிற்சில பிரச்சினைகள் வந்து போகும். அரசியல்வாதிகள் மூலம் எதிர்பாராத ஆதாயங்களை அடைய வாய்ப்புகள் உள்ளன. தீர்த்த யாத்திரைகள் சென்று வர எண்ணிய எண்ணங்கள் நிறைவேறும். வீடு மற்றும் வாகனங்களைப் பழுது பார்ப்பதால் பொருட்செலவுகள் ஏற்படும். விபரீத எண்ணங்களை நினைத்து மன நிம்மதியை இழக்காதிருங்கள். குழந்தைகளால் பொருட்செலவுகள் வந்த போதிலும் அவர்களால் நன்மதிப்பைப் பெறுவீர்கள். உடம்பில் வயிறு, முதுகு போன்ற பகுதிகளில் உபாதைகள் வந்து போகும்.
இராசியான எண் :- 8
இராசியான நிறம் :- நீலம்
இராசியான திசை :- தென்மேற்கு
பரிகாரம் :- ஐயப்பன் வழிபாடு செய்து கருப்பு வஸ்திரம் தானம் செய்து வரவும்.
ரிஷபம் :-
ரிஷபராசி அன்பர்களே, இந்தவாரம் உங்களுக்கு செவ்வாய் நன்மை தரும் கிரகமாகும். வேற்று மதத்தவர்களால் எதிர்பார்த்து இருந்த ஆதாயம் கிடைப்பதற்கு இன்னும் சற்று கால தாமதம் ஏற்படலாம். பிரிந்து போன கணவன் மனைவி உறவுகள் மீண்டும் தொடர்வதற்கான முயற்சிகளில் நல்ல தகவல்கள் வந்து சேரும். நெருப்பு, மின்சாரம், இராணுவத்துறை சார்ந்தவர்கள், அக்கினி சம்பந்தமான தொழிற்செய்வோர், ஹோட்டல் தொழிற்செய்வோர், மின்சாரப் பொருட்களின் விற்பனையாளர்கள், மற்றும் காவல் துறை பணி ஆற்றுவோர்கள், பங்கு வர்த்தகம் போன்ற தொழிற்செய்வோர் ஆகியோர் நல்ல லாபம் அடைவார்கள். உடல் நிலையில் மூலம் மற்றும் நீர் சம்பந்தம் ஆகிய உபாதைகள் வந்து போகும். யாத்திரையின்போது புதிய பெரிய மனிதர்களின் தொடர்புகள் ஏற்பட்டு அவர்களால் சில நன்மைகளை அடையலாம். உத்தியோகத் துறையினர்களுக்கு நினைத்த இடங்களுக்குப் பணியிட மாற்றம் ஏற்படும். பழுதுபட்ட ஆலயங்களை திருத்திக் கட்டுவதற்கான முயற்சிகளில் ஈடுபடுவீர்கள். சுபகாரிய நிகழ்ச்சிகளுக்காக நீண்ட தூரப் பயணமும் வீண் பொருட்செலவுகளும் உண்டாகும். புதிய கடன்கள் வாங்குவதைத் தவிர்ப்பது நல்லது. சகோதர, சகோதரிகளின் சுபகாரிய நிகழ்ச்சிகளுக்கான முயற்சிகளில் வெற்றி பெற்று அவர்களுக்காகப் புதிய கடன்களை வாங்குவீர்கள். வாகனங்களில் சற்று எச்சரிக்கையுடன் பயணம் செய்வது நல்லதாகும். பொதுத்தொண்டுகளைச் செய்வோர்களுக்கு நல்ல பெயர் புகழ் ஏற்படும் காலமாகும்.
இராசியான எண் :- 9
இராசியான நிறம் :- சிவப்பு
இராசியான திசை :- தெற்கு
பரிகாரம் :- முருகன் வழிபாடு செய்து சிவப்பு ஆடை தானம் செய்து வரவும்.
மிதுனம் :-
மிதுனராசி அன்பர்களே, இந்த வாரம் உங்களுக்கு சந்திரன் நன்மை தரும் கிரகமாகும். மற்றவர்களின் விஷயங்களில் தலையிட்டு மன நிம்மதியை இழக்க வேண்டாம். வெளிநாடு சென்று வருதல் போன்ற முயற்சிகளுக்காகப் பணம் மற்றும் பொருள் வகைகளில் ஏமாற்றம் அடையாமல் இருக்கவும். உத்தியோகத் துறையினர்களுக்கு மேலதிகாரிகளால் கண்டிப்பும், இட மாற்றமும் ஏற்படலாம். திருட்டுப் போன பொருட்கள் திரும்பி வீடு வந்து சேரும். புதிய ஆடை அணிகலன்களை வாங்குவதை தவிர்க்கவும். விவசாயம் செய்வோர்களுக்கு விவசாயம் நன்றாக பலிதமாகும். பூஜைப்பொருள் வியாபாரிகள், மன நலக் காப்பகங்களை நடத்துவோர்கள், தாய் சேய் நல விடுதிகளை சார்ந்தவர்கள், உப்பு, உர வியாபாரிகள், மருந்து சம்பந்தமான பொருட்களை ஏற்றுமதி இறக்குமதி செய்வோர், நீர் வளத்துறை சார்ந்தவர்கள் ஆகியோர் நல்ல லாபம் அடைவீர்கள். விளையாட்டுத்துறை சார்ந்தவர்கள் நல்ல மதிப்பெண்களையும் பரிசும், பாராட்டுதல்களை பெறுவார்கள். மனைவி மற்றும் மனைவி வழிச் சொந்த பந்தங்கள் மூலம் சில ஆதாயங்களை அடைவீர்கள். புதிய வீடு, தொழிற்சாலைகளை இடமாற்றம் செய்யப் போட்ட திட்டங்கள் நிறைவேறும். திருமணம் போன்ற சுபகாரிய நிகழ்ச்சிகளுக்கான முயற்சிகளைச் சற்று தள்ளி போடுதல் நல்லதாகும். வீடு மற்றும் வாகனங்களைப் பழுது பார்ப்பதன் மூலமாகப் புதிய செலவுகள் வந்து சேரலாம்.
இராசியான எண் :- 6
இராசியான நிறம் :- வெள்ளை
இராசியான திசை :- தென்கிழக்கு
பரிகாரம் :- மஹாலட்சுமி வழிபாடு செய்து வெள்ளை வஸ்திரம் தானம் செய்து வரவும்.
கடகம் :-
கடகராசி அன்பர்களே, இந்த வாரம் உங்களுக்கு சனி நன்மை தரும் கிரகமாகும். தந்தையின் உடல் நிலையின் பாதிப்பால் வீண் மருத்துவச் செலவுகள் உண்டாகும். காதல் சம்பந்தமான விஷயங்களில் நண்பர்கள் அல்லது உறவினர்களின் உதவிகளால் நல்ல தகவல்கள் வந்த சேரும் காலமாகும். நீண்ட தூரப் பயணங்களை மேற்கொள்ள முயற்சிப்பீர்கள். அரசியல்வாதிகளால் எதிர்பார்த்த ஆதாயங்கள் கிடைப்பதற்கு இன்னும் சற்று கால தாமதம் ஆகலாம். உடம்பில் கண் மற்றும் காதுகளில் கவனம் தேவை. தீராத நாட்பட்ட நோய்கள் தீருவதற்காகப் புதிய மருத்துவர்களின் உதவிகளை நாடுவது நல்லதாகும். புதிய நண்பர்களின் சேர்க்கை மூலம் காரணமற்ற பிரச்சினைகள் வந்து சேரக் கூடிய காலம் என்பதால் மிகுந்த எச்சரிக்கையுடன் இருத்தல் நல்லதாகும். . இரும்பு, இயந்திரம், இரசாயன சம்பந்தமான பொருட்களின் வியாபாரிகள், பழைய இரும்புப் பொருள் வியாபாரிகள், எண்ணை, பலசரக்கு போன்ற வியாபாரிகள், அடிமைத் தொழிற்செய்வோர், கழிவுப் பொருட்களை வாங்குவோர்கள், உர வியாபாரிகள் ஆகியோர் நல்ல லாபம் அடைவார்கள். குல தெய்வ வழிபாடு செய்து வருவதற்கான முயற்சிகளில் சில தடைகள் வரக் கூடும். அண்டை அயல் வீட்டுக்காரர்களுடன் கவனமாகப் பழகி வருதல் நல்லது. பொருளாதார நெருக்கடிகள் மாறிப் பணப் புழக்கம் மிக நன்றாக இருக்கும். திருட்டுப் போன பொருட்கள் சம்பந்தம் இல்லாத நபர்களின் உதவியால் திரும்ப வீடு வந்து சேரும்.
இராசியான எண் :- 8
இராசியான நிறம் :- நீலம்
இராசியான திசை :- தென்மேற்கு
பரிகாரம் :- சனீஸ்வர வழிபாடு செய்து நீல வஸ்திரம் தானம் செய்து வரவும்.
சிம்மம் :-
சிம்மராசி அன்பர்களே, இந்த வாரம் உங்களுக்கு வியாழன் நன்மை தரும் கிரகமாகும். சகோதரர்களால் திடீர் தன வரவுகள் உண்டாகும். வங்கிகள் மூலம் எதிர்பார்த்திருந்த கடன் தொகைகள் வந்து சேரச் சற்று கால தாமதம் ஆகலாம். பூ பழம் பூஜை சம்பந்தமான பொருட்களின் வியாபாரிகள், அறநிலையத்துறை சார்ந்தவர்கள், ஆதரவற்றோர் ஆசிரமங்களை நடத்துவோர்கள், இனிப்புத் தின்பண்ட வியாபாரிகள், நறுமணப் பொருட்கள் மற்றும் கம்ப்யூட்டர் துறை சார்ந்தவர்கள் ஆகியோர் மிகவும் நல்ல பலன்களை அடைவார்கள். திருமணம் ஆகாதவர்களுக்கு உறவினர்களின் உதவியால் திருமணம் நடக்கும். நெருப்பு, மின்சாரங்களில் கவனமுடன் இருத்தல் நல்லதாகும். பிள்ளைகளால் சில பொருட் செலவுகளும், வீண் பிரச்சினைகளும் வந்து போகும். குல தெய்வ வழிபாடு செய்து வர எண்ணிய எண்ணங்கள் நிறைவேறும். செய்யாத குற்றங்களுக்காக வீண் பழிச் சொல் வந்து போக வாய்ப்பு உள்ளது. சமுதாய முன்னேற்றத்திற்கான பொதுநலக் காரியங்களில் ஈடுபட்டு நற்பெயர் மற்றும் புகழ் அடைவதன் மூலம் மன நிறைவடைவீர்கள். தீராத நோய்களுக்கு புதிய முறை மருத்துவத்தின் மூலமாக நல்ல குணம் கிடைக்கும். சமுதாய நல்லிணக்கத்திற்காக உழைப்பதில் மனம் மகிழ்ச்சியை அடைவீர்கள். அரசு சம்பந்தமான வழக்கு விஷயத்தில் மிகவும் கவனம் தேவை.
இராசியான எண் :- 3
இராசியான நிறம் :- மஞ்சள்
இராசியான திசை :- வடகிழக்கு
பரிகாரம் :- சிவ வழிபாடு செய்து மஞ்சள் வஸ்திரம் தானம் செய்து வரவும்.
கன்னி :-
கன்னிராசி அன்பர்களே, இந்த வாரம் உங்களுக்கு புதன் நன்மை தரும் கிரகமாகும். புதிய தொழில்களை ஆரம்பம் செய்யப் போட்ட திட்டங்களில் இருந்து வந்த பிரச்சினைகள் தீர்ந்து புதிய தொழில்களை ஆரம்பம் செய்வீர்கள். தாயின் உடல் நிலையில் இருந்து நோய்கள் குறையக் கூடிய காலமாகும். சிலருக்கு வீடு மாற்றம் ஏற்படக் கூடிய காலமாகும். உடம்பில் வாயு மற்றும் வயிறு போன்ற தொல்லைகள் வந்து போகும். விருந்தினர்களின் வரவால் சிறிய மன மகிழ்ச்சியும் பொருள் வரவும் உண்டாகும். வீடு, நிலம் போன்றவற்றினை பிரிந்து போன உறவுகளுடன் திரும்பவும் ஒன்று சேருவதற்கான காலமாகும். புதுப்பித்துக் கட்டுவதற்காகப் போட்ட திட்டங்களில் வெற்றி அடைய வாய்ப்பு உள்ளது. ரேஸ், லாட்டரி மூலம் பணம் பொருள் கிடைக்கலாம். உடம்பில் சீதளம் மற்றும் அலர்ஜி போன்ற தொல்லைகள் வந்து போகும். எழுத்துத் துறை, அச்சுத் தொழில்கள், புத்தகம், நோட்டு வியாபாரிகள் வக்கீல்கள், எழுத்தாளர்கள், கவிஞர்கள், பாடலாசிரியர்கள், இசையமைப்பாளர்கள், தபால் தந்தி துறையைச் சார்ந்தவர்கள், ஸ்டேசனரி சம்பந்தமான பொருட்களின் வியாபாரிகள், நாடகக் கலைஞர்கள் ஆகியோர் நல்ல பலன்களை அடைவார்கள். புதிய சொத்துகளை வாங்குவதற்காகப் புதிய கடன் வாங்குவீர்கள். கலைத் துறையினர்கள் பரிசும் பாராட்டுதல்களையும் பெறுவார்கள். தந்தை மகன் உறவுகளில் சிறிய பிரச்சினைகள் வந்து போகும். விபரீதமான எண்ணங்களையும், தேவையற்ற புதிய நண்பர்களின் சேர்க்கையையும் தவிர்த்தல் நல்லது.
இராசியான எண் :- 5
இராசியான நிறம் :- பச்சை
இராசியான திசை :- வடக்கு
பரிகாரம் :- மஹாவிஷ்ணு வழிபாடு செய்து பச்சை வஸ்திரம் தானம் செய்யவும்.
துலாம் :-
துலாம்ராசி அன்பர்களே, இந்த வாரம் உங்களுக்கு செவ்வாய் நன்மை தரும் கிரகமாகும். பூர்வீகச் சொத்து விஷயங்களில் இருந்து வந்துள்ள நாட்பட்ட பிரச்சினைகள் நீங்கிச் சொத்துக்கள் கிடைக்கும். தீர்த்த யாத்திரைகளை மேற்கொள்ள எடுத்து கொண்ட முயற்சிகளில் வெற்றி அடையலாம். நண்பர்கள் மற்றும் உற்றார் உறவினர்களின் வரவால் பொருட்செலவுகள் உண்டாவதோடு மன நிம்மதியும் குறையும். பிள்ளைகளால் மன மகிழ்ச்சியும், பொருள் வரத்தும் உண்டாகும். அரசியல்வாதிகளிடம் இருந்து எதிர்பார்த்து இருந்த ஆதரவுகள் கிடைக்கும். மற்றவர்களுக்காக உழைப்பதில் மனம் மகிழ்ச்சி அடைவீர்கள். வெளிநாடு சென்று வருதல் போன்ற விஷயத்தில் சற்று கவனமாக நடந்து கொள்ளவும். புதிய கடன் வாங்கிப் பழைய கடன்களை அடைப்பதற்கான முயற்சிகளில் ஈடுபடுவீர்கள். ஹோட்டல் தொழிற்செய்வோர், சிற்றுண்டி உணவு வீடுதிகளை நடத்துபவர்கள், காவல் துறை ராணுவம் சார்ந்தவர்கள், எரிபொருட்களின் வியாபாரிகள் ஆகியோர் நற்பலன்களை அடைவார்கள். பொதுப்பணிகளைச் செய்வோர் கவனமுடன் பணி ஆற்றுவதால் வீண் பழிச் சொல்லுக்கு ஆளாகாமல் இருக்கலாம். வீடு நிலம் போன்றவற்றின் மூலமான புதிய கடன் வாங்குவதற்கான முயற்சிகளில் வெற்றி அடையலாம். விவசாயம் சுமாராகக் காணப்படும். பொருளாதாரத்தில் இது நாள் வரையில் இருந்து வந்துள்ள நெருக்கடிகள் மாறி நல்ல சூழ்நிலை உருவாகும்.
இராசியான எண் :- 9
இராசியான நிறம் :- சிவப்பு
இராசியான திசை :- தெற்கு
பரிகாரம் :- துர்க்கை வழிபாடு செய்து செவ்வாடை தானம் செய்து வரவும்.
விருச்சிகம் :-
விருச்சிகராசி அன்பர்களே, இந்த வாரம் உங்களுக்கு சூரியன் நன்மை தரும் கிரகமாகும். கண், காதுகளில் கவனம் தேவை. புதிய வீடு மற்றும் நில புலன்களை வாங்குவதன் மூலமாக புதிய கடன்களை வாங்குவீர்கள். தேவையற்ற விஷயங்களில் தலையிட வேண்டாம். அரசு வழக்கு விஷயங்களில் எதிர்பார்த்து இருந்த சாதகமான நல்ல முடிவுகள் கிடைக்கும். நீண்ட காலமாக எதிர்பார்த்திருந்த வெளிநாடு செல்லுதல் போன்ற முயற்சிகளில் நல்ல செய்திகள் வந்து சேரக் கூடிய காலமாகும். ஆலயப் பணிகளில் பங்கு கொண்டு மனநிம்மதி அடைவீர்கள். மஹான்களின் தரிசனத்திற்காக நீண்ட தூரப் பயணங்களை மேற்கொள்வீர்கள். பழைய கடன்கள் மீண்டும் தொல்லை கொடுக்கும். குலதெய்வ ஆலய வழிபாடு செய்து வர வாய்ப்பு உள்ளது. புதிய நண்பர்களின் சேர்க்கையைத் தவிர்க்கவும். காதல் விஷயங்களில் அநுகூலமான சில செய்திகள் வந்து சேரும். ரேஸ், லாட்டரி போன்ற சூதாட்ட சம்பந்தமான விஷயங்களில் மிகவும் கவனமுடன் இருக்கவும். பூர்வீகச் சொத்து போன்ற வழக்குகளில் சாதகமான தீர்ப்புகள் கிடைக்கச் சற்று கால தாமதம் ஆகலாம். வடக்குத் திசையில் இருந்து பெண்களால் எதிர்பாராத ஆதாயங்கள் வந்து சேரும். வங்கிகளில் இருந்து நீண்ட காலமாக எதிர்பார்த்து இருந்த கடன் உதவி தொகைகள் கிடைப்பதற்கு வாய்ப்பு உள்ளது. பெண்களால் தொலைதூரத்தில் இருந்து நற்செய்திகளும் பொருள் வரத்தும் உண்டாகும். புதிய நண்பர்களின் சேர்க்கையை தவிர்க்கவும். குலதெய்வ ஆலய வழிபாடு செய்து வருவதற்கான முயற்சிகளில் சில பின்னடைவுகள் ஏற்பட்டு நீங்கும்.
இராசியான எண் :- 1
இராசியான நிறம் :- வெள்ளை
இராசியான திசை :- கிழக்கு
பரிகாரம் :- சிவ ஆலய வழிபாடு செய்து காவி வஸ்திரம் தானம் செய்து வரவும்.
தனுசு :-
தனுசுராசி அன்பர்களே, இந்த வாரம் உங்களுக்கு கேது நன்மை தரும் கிரகமாகும். யாத்திரையில் மிகவும் எச்சரிக்கையுடன் பயணம் செய்து வருவதன் மூலமாக விபத்துக்களைத் தவிர்க்கலாம். மாணவர்களுக்கு கல்வித்துறையில் பரிசு மற்றும் பாராட்டுகளைப் பெற வாய்ப்புகள் உள்ளன. தேவையான பொருளாதாரம் கை வந்து சேரக் கூடிய காலமாகும். தங்கம் வெள்ளி நகை வியாபாரிகள் எதிர்பாராத லாபம் அடைவார்கள். காதல் விஷயங்களால் ஏற்பட்ட பிரச்சினைகள் தீர்ந்து உறவுகள் வலுப்பெறும். கூட்டுத் தொழில்களைச் செய்வதற்கான முயற்சிகளில் நல்ல தகவல்கள் கிடைக்கும். அரசு வழக்கு விஷயத்தில் சாதகமான தீரப்புகள் வந்து சேரும் காலமாகும். நீண்ட தூரப் பயணங்களை தள்ளிப் போடுதல் நல்லதாகும். பொது பணித்துறை சார்ந்தவர்கள், ஆதரவற்றோர் ஆசிரமங்களை நடத்து வோர்கள், ஆலயப்பணி புரிபவர்கள், விஞ்ஞானத்துறை சார்ந்தவர்கள், கழிவு பொருட்களின் வியாபாரிகள், மீன், முட்டை மாமிசம் போன்ற பொருட்களை ஏற்றுமதி இறக்குமதி செய்வோர், ஏசன்சி போன்ற நிறுவனங்களை நடத்துபவர்கள், அணு ஆராய்ச்சி நிலையப் பணியாளர்கள், விமானப் பணியாளர்கள் ஆகியோர்களுக்கு நற்பலன்களைத் தரும் காலமாகும். தீராத நோய்களுக்கு விடை காணுவீர்கள். விட்டுப் போன பழைய உறவுகள் மீண்டும் தொடர வாய்ப்பு உள்ளது. வெகு காலமாகப் பூர்வீகச் சொத்துக்களில் இருந்து வந்த பிரச்சினைகள் பெரிய மனிதர்களின் தலையிடுதலால் தீர்ந்து மன நிம்மதி ஏற்படும்.
இராசியான எண் :- 7
இராசியான நிறம் :- கருஞ் சிவப்பு
இராசியான திசை :- வடமேற்கு
பரிகாரம் :- கணபதி வழிபாடு செய்து செவ்வாடை தானம் செய்து வரவும்.
மகரம் :-
மகரராசி அன்பர்களே, இந்தவாரம் உங்களுக்கு சந்திரன் நன்மை தரும் கிரகமாகும். செய்தொழிலில் புதிய கூட்டு முயற்சிகளைத் தள்ளிப் போடவும். குழந்தைகளின் உல்லாசப் பயணங்களுக்காக பயணங்களை மேற்கொள்வதன் மூலம் பொருட்செலவுகள் உண்டாகும். குடும்ப சொத்துக்கள் சம்பந்தமாகிய விஷயத்தில் சச்சரவுகள் வந்து போகும். விருந்தினர்களின் வரவால் மன மகிழ்ச்சி அடைவீர்கள். அரசு வழக்கு போன்ற விஷயங்களில் எதிர்பார்த்திருந்த சாதகமான முடிவுகள் வந்து சேரும். கடல் வளத்துறை சார்ந்தவர்கள், உப்பு மற்றும் கடல் வாழ் பொருட்களின் விற்பனையாளர்கள், தண்ணீர், கூல்டிரிங்ஸ் போன்ற திரவ பொருட்களின் வியாபாரிகள், பூஜைப் பொருட்களை ஏற்றுமதி இறக்குமதி செய்வோர், தாய் சேய் நல விடுதிகளை நடத்துவோர்கள், ரத்தின வியாபாரிகள், மருத்துவத்துறை சார்ந்தவர்கள், மருத்துவ கல்லூரியின் மாணவர்கள், மற்றும் இவற்றில் பணி புரியும் பேராசிரியர்கள் ஆகியோர் மிகவும் நற்பலன்களை அடைவார்கள். யாத்திரையின்போது சம்பந்தம் இல்லாத புதிய பெரிய மனிதர்களின் தொடர்புகளால் சில ஆதாயங்களை அடைவார்கள். நீண்ட காலமாக வராத கடன் கொடுத்து இருந்த பணம் மற்றும் பொருட்கள் காவல் துறையினர்களின் உதவியால் திரும்ப கை வந்து சேரும் காலமாகும். வெளிநாடு சென்று வருதல் போன்ற புதிய முயற்சிகளில் மற்றவர்களை நம்பிப் பணம் மற்றும் பொருட்களைக் கொடுத்து ஏமாற்றம் அடைய வேண்டாம்.
இராசியான எண் :- 2
இராசியான நிறம் :- வெள்ளை
இராசியான திசை :- மேற்கு
பரிகாரம் :- அம்மன் வழிபாடு செய்து வெள்ளை வஸ்திரம் தானம் செய்து வரவும்.
கும்பம் :-
கும்பராசி அன்பர்களே, இந்த வாரம் உங்களுக்கு சுக்கிரன் நன்மை தரும் கிரகமாகும். புதிய தொழில்கள் ஆரம்பம் செய்யலாம். வேற்று மதத்தவரால் எதிர்பாராத ஆதாயங்களை அடைவீர்கள். ஆடம்பர அலங்காரப் பொருள் வியாபாரிகள், சினிமா மற்றும் நாடகத்துறை சார்ந்தவர்கள், அரசியல்வாதிகள், கார் லாரி போன்ற வாகன சம்பந்தமான தொழிற்செய்வோர், வாகன ஓட்டுனர்கள், அழகுக்கலைக் கூடங்களை நடத்துபவர்கள், வேலை இல்லாதவர்களுக்குப் புதிய வேலை வாய்ப்புகள் கிடைக்கும். நவரத்தின வியாபாரிகள், திருமணத் தகவல் மையங்கள் மற்றும் திருமணக் கூடங்களை நடத்துபவர்கள் ஆகியோர் மிக லாபம் அடைவார்கள். மஹான்களின் எதிர்பாராத தரிசனங்களால் மன நிம்மதி அடைவீர்கள். உடல் நிலையில் இருந்து வந்த தொல்லைகள் மாறிப் பொருட் செலவுகள் குறைய வாய்ப்புகள் உள்ளன. நீண்ட தூரப் பயணங்களை மேற்கொள்வதன் மூலம் சில காரியங்களைச் சாதித்துக் கொள்வீர்கள். நாட்பட்ட தீராத வழக்குகளைத் தீர்ப்பதற்காகப் புதிய வழக்கறிஞர்களை நாடுவதன் மூலமாக நல்ல பலன்களை அடைய வாய்ப்புகள் உள்ளன. அண்டை அயல் வீட்டுக்காரர்களுடன் மிகவும் கவனமாகப் பேசிப் பழகுதல் நல்லதாகும். நாட்பட்ட வராத கடன் கொடுத்துள்ள பணம் திரும்பக் கிடைக்கும். சகோதரர்களால் மன நிம்மதி குறைந்தாலும் அவர்களால் சிற்சில ஆதாயங்களை அடைவீர்கள்.
இராசியான எண் :- 2
இராசியான நிறம் :- வெள்ளை
இராசியான திசை :- மேற்கு
பரிகாரம் :- அம்மன் வழிபாடு செய்து வெள்ளை வஸ்திரம் தானம் செய்து வரவும்.
மீனம் :-
மீனராசி அன்பர்களே, இந்த வாரம் உங்களுக்கு ராகு நன்மை தரும் கிரகமாகும். காதல் விஷயத்தில் மிகுந்த கவனமுடன் நடந்து கொள்வது நல்லதாகும். கண்களில் மிக கவனமுடன் இருக்கவும். பூர்வீகச் சொத்து சம்பந்தமான வழக்கு விஷயங்களில் சாதகமான நல்ல முடிவுகள் கிடைக்கும். நீண்ட காலமாக புதிய வீடு நிலம் வாங்கப் போட்டிருந்த திட்டங்கள் நிறைவேற வாய்ப்பு உள்ளது. தோல் சம்பந்தமான பொருட்களை ஏற்றுமதி இற்குமதி செய்வோர், கழிவுப் பொருட்களை வாங்குவோர் விற்போர்கள், அணு ஆராய்ச்சி துறை சார்ந்தவர்கள், மீன் முட்டை மாமிசம் போன்ற உணவுப் பொருட்களின் வியாபாரிகள், வட்டித்தொழில, தரகு ஏஜன்சி கமிசன் போன்ற தொழிற்செய்வோர், பழைய இரும்பு, பழைய பேப்பர், பிளாஸ்டிக் போன்ற பொருட்களின் வியாபாரிகள் ஆகியோர் நல்ல லாபம் அடைவார்கள். செய்தொழிலில் மிகுந்த கவனமுடன் செயல்படுவது நல்லது. உற்றார் உறவினர் வருகையால் பணச் செலவுகள் உண்டாகும். அரசு சம்பந்தமான வழக்கு விஷயங்களில் சாதகமான தீர்ப்புகளை எதிர்பார்க்கலாம். புதிய நண்பர்களின் சேர்க்கையால் மன மகிழ்ச்சி உண்டாகும். உடம்பில் மூளை, நரம்பு ஆகிய பகுதிகளில் உபாதைகள் வந்து போகும். மற்றவர்களுக்காக ஜாமீன் போட்டு வீண் பிரச்சினைகளை விலைக்கு வாங்க வேண்டாம்.
இராசியான எண் :- 4
இராசியான நிறம் :- கருப்பு
இராசியான திசை :- வடமேற்கு
பரிகாரம் :- பிதுர், அம்மன் வழிபாடு செய்து கருப்பு வஸ்திரம் தானம் செய்து வரவும்.
Gnanayohi Dr. P.Esakki, I.B.A.M., R.M.P., D.I.S.M
18(25B/1), Pulavar Street
Krishnapuram
Kadayanallur – 627 759
Tirunelveli District, Tamil Nadu, India
Phone : 04633-243029
Mobile : 98425-10578, 98425-29691
Fax : 04633-240390
Website : www.gnanayohi.com
“
