ஆசிரியர்: ராமு! ‘சூரியன் மறைகிறது’ – இது நிகழ்காலமா, எதிர்காலமா?
ராமு: சாயங்காலம் சார்.
*****
தொண்டன் – 1: நம்ம தலைவரையே ஒருத்தன் தலைகுனிய வச்சிட்டானே!
தொண்டன் – 2: யார் அவன்?
தொண்டன் – 1: நம்ம தெருமுனையில இருக்குற சலூன் கடைக்காரந்தான்.
*****
அமைச்சர்: அரசே! நீங்கள் செய்வது சரியா?
அரசர்: ஏன்? அப்படி என்ன செய்துவிட்டேன்?
அமைச்சர்: மாறுவேடத்தில் நகர்வலம் செல்வதற்காக ஹாலிவுட்டில் இருந்து மேக்கப்மேன்களை வரவழைக்கிறீர்களே! இதெல்லாம் உங்களுக்கே ஓவராக இல்லையா?
*****
சர்வர்: அந்தப் பழைய பேப்பர்க்காரனுக்கு எத்தனை வாட்டி சொன்னாலும் புரிய மாட்டேங்குது முதலாளி!
முதலாளி: ஏன், எதுக்கு நம்ம ஓட்டல் வாசல்ல வந்து கத்திக்கிட்டிருக்கானாம்?
சர்வர்: "மீந்து போன பேப்பர் ரோஸ்ட்டையெல்லாம் வாரக்கடைசியில மொத்தமா எங்கிட்ட போட்ருங்களேன்"னு கேக்கறான்.
*****
காதலன்: நேத்து என் கனவுல நயன்தாரா வந்தாங்களே!
காதலி: உங்க கனவுல நயன்தாரா மட்டும்தான் வந்தாங்க. ஆனால் என் கனவுல சிம்பு, ஆர்யா, சூர்யான்னு மூணு பேரும் வந்தாங்களே!
*****
