ஜோதிடம் கேளுங்கள்

எனக்கு மூன்று மாத காலமாக வேலை இல்லை. எப்போது நல்ல வேலை கிடைக்கும்? என் ஜாதகப்படி சொந்தத் தொழில் செய்யலாமா? – விஜயலக்ஷமி, கும்பகோணம்.

அன்புள்ள நிலாச்சாரல் வாசகி விஜயலக்ஷ்மி அவர்களே!
58 வயதாகும் தங்களின் நட்சத்திரம் திருவோணம், ராசி மகரம், லக்னம் மிதுனம் ஆகும். தற்பொழுது தங்களின் ராசியிலும், தங்களின் லக்னத்திலிருந்து 8-ம் இடத்திலும் இருக்கும் குரு மே மாதம் முதல், தங்களின் ராசியிலிருந்து 2-ம் இடத்திற்கும், லக்னத்திலிருந்து 9-ம் இடத்திற்கும் செல்வதால், தங்களுக்கு நல்ல வேலை கிடைக்கும். தங்களின் ஜாதகப்படி வேலைக்கு செல்லும் வாய்ப்புக்கள் பிரகாசமாக உள்ளன. மீண்டும் உங்களுக்கு வேலை கிடைக்க நிலாச்சாரல் தங்களை வாழ்த்துகிறது.

கடந்த 4 வருடமாக, நான் எனது கணவரைப் பிரிந்து வாழ்கிறேன். அவர் கனடாவில் இருக்கிறார். நான் கனடா செல்வேனா? எனது எதிர்காலம் எப்படி? – ஷண்முகப்ரியா, ஜாஃப்னா

அன்புள்ள நிலாச்சாரல் வாசகி ஷண்முகபிரியா அவர்களே!
42 வயதாகும் தங்களின் நட்சத்திரம் மிருகசிரீடம், ராசி மிதுனம், லக்னம் சிம்மம் ஆகும். தங்களின் ஜாதகத்தில் குரு லக்னத்தில் இருந்து கொண்டு 5, 7, 9 -ம் வீடுகளைப் பார்ப்பதால், தங்களின் எதிர்காலம் நன்றாக இருக்கும். கோசார குரு, மே மாதம் 7-ம் இடத்திற்கு வந்து, தங்களின் லக்னத்திலிருந்து11ம் வீடு மற்றும் தங்களின் லக்னத்தைப் பார்ப்பதால், மீண்டும் தங்களின் கணவரைக் காண கனடா செல்வீர்கள். அபிராமி அந்தாதியில் உள்ள 2வது பாடலைப் படித்து வாருங்கள். தங்களின் வாழ்வில் மீண்டும் சந்தோஷம் மலரும்.

என் குழந்தையின் பெயர் விக்டோரியன் மரியா. அவள் நன்றாகப் படிப்பாளா? அவள் நன்றாகப் படித்து, ஆரோக்கியமாக இருக்க வேண்டும் என்பதே என் ஆசை. அவள் ஜாதகம் எப்படி உள்ளது என்று சொல்லவும்? – மைதிலி, ஆண்டோர் என்கொர்டனி, ஐரோப்பா

அன்புள்ள நிலாச்சாரல் வாசகி மைதிலி அவர்களே!
10 வயதாகும் தங்களின் மகளின் நட்சத்திரம் சதயம்,ராசி கும்பம், லக்னம் துலாம் ஆகும். நுண்கலைகளில் ஆர்வம் உள்ள தங்கள் மகளின் ஜாதகத்தில் புதன் 10-ல் நன்றாக உள்ளதால், நல்ல கல்வி உண்டு. அவளின் ஆரோக்கியமும், எதிர்காலமும் நன்றாக இருக்கும்.

வாசகர்கள் தாங்கள் கேட்க விரும்பும் கேள்வியை கீழே உள்ள படிவத்தில் முழுமையாக பூர்த்தி செய்து அனுப்பவும். பொதுவான கேள்விகளைத் தவிர்த்து குறிப்பான கேள்விகளாகக் கேட்டல் நலம்.

வாசகர்களின் கேள்விகளுக்கு பதில் அளிப்பவர் :

திருமதி. காயத்ரி பாலசுப்ரமணியன், B.Sc., P.G.Dip. in Journalism,
ஜோதிடர், எண் 8, 2 வது குறுக்குத் தெரு,
மாரியம்மன் நகர், காராமணிக்குப்பம்,
புதுச்சேரி – 605 004.
செல்: (0) 99432-22022. (0)98946-66048. (0) 94875-62022.

Disclaimer: Astrological consultation in this section is provided by Mrs. Gayathri Balasubramanian for free. Nilacharal.com cannot take any responsibility for the authenticity and contents of the response.

“